July 24, 2024

Kohdwin Kahdohnak Ah A Thi Mi SAC Ralbawi 1 Telh In Ralkap 14 Cu Hmunkhat Te Ah An Vui Hna

0

The Chinland Post | 2023 August 7 — Shan ram, Kyaukme peng, Kohdwin ah SAC ralkap mawṭaw kah an ton caah a thi mi ralbawi 1 telh in SAC ralkap 14 cu hmunkhat te ah an vui hna tiah thawng theih a si.

August 4 chun sml 12:30pm hrawng ah Kyaukme peng, Kohdwin lam ah SAC ralkap mawṭaw 1 cu min theih lo mi hriamtlai phu nih an kah hna i SAC lei a thi mi 14 an um, cu hna cu August 6 ah Naunghkio thlaan ah an vui hna tiah Maung Media nih a langhter.

“Kohdwin kahdohnak ah a thi mi ralkap pawl cu Naunghkio thlaan ah an vui hna. A thi mi 14 an si. Ralbawi 1 aa tel. Ralbawi a thi mi kong kha SAC nih thawngpang an len ter lo. A thi mi hna hi Infantry 115 in 9, Infantry 114 in 5 an si. Hmanthlaknak nawl an phih” tiah Naunghkio thawng petu nih Maung Media ah a chim.

SAC ralkap nih Naunghkio khua le Kyaukme khua karlak ah thazang an chap i kahdohnak a fak chin kho tiah theih a si.

Hmanthlak – Nattankwin-Kyaukgyi lam kahdohnak ah a thi mi SAC ralkap 7 an vui hna lio (2023 January)

About The Author

Na ruahning rak langhter ve.. (Leave a comment)