Kawlin Peng Laknak Ah Private Bank In Tangka Kyat 44 Billion Leng Kan Cohlan, Mipi Chiah Mi Tangka Sunghzatlaknak Um Lo Tein Kan Tawlrel Lai Tiah NUG Nih A Thangh
The Chinlandpost | December 1, 2023 — Mipi ralkap nih lak mi Sagaing ramthen, Kawlin peng laknak ah Private bank hna sin in tangka kyat 44 billion leng kan cohlan i, mipi nih chiah mi tangka sunghzatlaknak um lo ding in tawlrel a si lai tiah caan karlak hruaitu NUG lei nih November 30, 2023 ah thawngthanhnak a tuah.
National Unity Government-NUG hruainak in Kawlin pengkonh funtomnak phu nih Kawlin peng private bank tangka phunglam bantuk in kyat 44,518.297 (44 billion leng) cu tha tein kan chiah piak ko hna tiah thawng theih a si.
Kawlin peng private bank hna ah hin, KBZ bank branch 2 in 32 billion leng, MAB in kyat 9 billion leng, GTB in 320 million leng tiah bank 5 sin chiah mi tangka hna an si.
NUG pengkomh hruainak phu nih Kawlin pengkomh chung Private bank zohkhenhnak le runvennak pek le mipi ngeih mi thilri sungh le zatlak um lo ding in NUG caan karlak hruainak thawngthanhnak No 1/2023 bantuk in bank ah lut in check a si lai tiah November 18 ni ah thawng an rak thanh cang.
Kawlin peng hi NUG kuttang um Kawlin pengkonh hruainak in KIA, PDF le Bakahphah tiah mipi ralkap phu hna nih November 6 ah Kawlin khua cu an rak lak hi a si.
About The Author
