Mizoram Thimnak Ah Pu Zoram Thanga le Vanlalsailova An Sung
The Chinland Post | 2023 December 4 — India, Mizoram thimnak a phichuak cu December 4 ah an rel tik ah atulio Mizoram Chief Minister Pu Zoram Thanga le Gospel Singer Vanlalsailova hna cu an sung tiah Zalen nih a langhter.
Chief Minister Pu Zoram Thanga hi Aizawl ni chuahlei ah MNF (Mizo National Front) party aiawh in aa zuam i a zuam cawhtu ZPM (Zoram People Movement) party aiawhtu nih vote 640 in a tei. Pu Zoram Thanga cu Mizoram Chief Minister rian hi voi 3 (kum 15) tiang a ṭuan cang mi a si. 1966 kum ah Mizo National Front hi India cozah doh lio ah aa rak tel mi an si.
Cun Mizoram Gospel Singer a si mi Vanlalsailova zong ZPM party aiawh in a chuahsemnak khua ah aa zuam i MNF party palai nih vote 773 in a tei ve.
Tukum thimnak ah atulio Mizoram cozah rian a ṭuan lio mi Chief Minister telh in Minister 10 cu thimnak ah an sung i Minister 2 lawng thim an si.
Mizoram Hluttaw palai thimnak cu December 7 ah an tuah i December 3 kha vote rel ding in cozah i a timhtuah ko nain zarhpi ni a si caah December 4 ah an ṭhial ṭhan.
Tukum Mizoram thimnak ah ZPM nih a voikhatnak bik cozah a ser khawh cang lai. Pyine Hluttaw aiawhtu hmun 40 ah ZPM nih hmun 27 ah teinak an hmuh.
About The Author
