Kum 14 Chung Tanghra Awng Zatuak 20% A Phan Kho Bal Lomi Chin Ramkulh

0

Tawk Tling Thang| 2019 June 10| June 8 ah Myanmar ram pumpi tanghra result a hung chuak than i Chin ramkulh tanghra result cu 19.54% lawng a phanh pin ah Myanmar ram pumpi ah zatuak in result chiabik ramkulh zong a si.

A luancia kum 13 chung aa pehtlai in Chinram tanghra result cuanh than tikah a awngmi zatuak 20% a phan kho bal lo. Zatuak 19% tiang lawng a phan kho i Myanmar ram chung ah tanghra result a chia bik ramkulh a si zungzal ti tluk a si. 2017 kum belte Rakhine ramkulh chung buainak a fah tuk ruang ah Rakhine ramkulh hi sungh awn chiabik a rak si. Cu ti lo paoh cu Chin ramkulh hi result chia bik zungzal a si. Tukum result cu zatuak 20% a phan kho thiamthiam lo.

2006 in 2018 tiang Chin ramkulh tanghra sungh/awn result cuanh than tikah camipuai a awngmi zatuak 20% a phan bal lo.

A Luancia Kum 5 Chung Chinram Tanghra Result

  •  2015 kum ah 9638 an phi i 1720 an awng, zatuak in 1785% an awng.
  • 2016 kum ah 9846 an phi i 1414 an awng, zatuak in 14.36% an awng.
  • 2017 kum ah 9725 an phi i 1852 an awng, zatuak in 19.04% an awng.
  • 2018 kum ah 10168 an phi i 1692 an awng i zatuak in 16.64% an awng.
  • 2019 kum ah  10771 an phi i 2110 an awng, zatuak in 19.59% an awng. Tukum hi kum 5 chung ah zatuak in result a that bik kum a si.

2018 kum Chin ramkulh ah tanghra awng result a chiabikmi cu Paletwa peng a si. Minung 1906 an phi i 81 (zatuak 4.25%) lawng an awng. A changtu cu Thantlang peng a si. Minung 166 an phi i 38 (zatuak 12.71%) lawng an awng. Cu bantuk in 2019 kum zong ah result chiabikmi cu Paletwa peng thiamthiam a si. Minung 1770 an phi i 121 an awng, zatuak 6.84% lawng an awng. A changtu ah Thantlang peng thiamthiam an si ve. Minung 451 an phi i 61 an awng, zatuak in 13.53% lawng an awng.

2018 kum ah result tha bik peng cu Falam peng a si, minung 1037 an phi i 243 (zatuak 23.43%) an awng. Cu bantuk in 2019 zong ah result tha bik cu Falam peng thiamthiam a si. Minung 1128 an phi i 332 an awng, zatuak in 29.43% an awng.

1986 kum in 2018 kum tiang Chin ramkulh tanghra result a tha bik kum cu 1998 kum _ Hakha ah Kawlram pumpi huap in siangngakchia puai an rak tuah kum a si, zatuak zatuak 48.35% an rak awng. A hun changtu cu 1990 kum ah a si, zatuak 38.07% an rak awng.

2019 kum Chin ramkulh tanghra result

Chinram Tanghra Result A That Bik Kum

Chin ramkulh i tanghra awngmi zatuak a that bik hna kum cu;

  • 1986 kum zatuak 22.78% an awng,
  • 1988 kum ah zatuak 29.28% an awng,
  • 1990 kum ah zatuak 38.07% an awng,
  • 1993 km ah zatuak 30.4% an awng,
  • 1994 kum ah zatuak 32.82% an awng,
  • 1995 kum ah zatuak 24.32% an awng,
  • 1997 kum ah zatuak 28.7% an awng,
  • 1998 kum ah zatuak 48.35% an awng,
  • 1999 kum ah zatuak 20.77% an awng,
  • 2003 kum ah zatuak 20.39% an awng,
  • 2004 kum ah zatuak 24.70% an awng,

2005 kum ah zatuak 30.04% an awng. Chinram ah tanghra sungh/awn result a that bik kum cu Hakha ah Myanmar rampi dirhmun in Siangngakchia Puai (cawng-ta-puai-daw) tuah kum 1998 lio a si, zatuak 48.35% an rak awng.

About The Author

Na ruahning rak langhter ve.. (Leave a comment)

%d bloggers like this: