Timit Chak Lunglaknak A Cim Ding A Um Caah Nili Chung Lam An Leet Lai

Salai Elvis|2019 June 10| Hakha-Thantlang- Saisihchuak lam kalnak Timit chak lunglaknak hmun cu a cim ding dirhmun in a um caah le tihnung a si caah nili chung lam an leet. Cu lam leetmi in khualtlawng mi kal khawh a si nak kong Hakha pengkomh zung nih thanhca a chuah.

Lam cungah a tla ding lung an um i tihnung a si caah tuanvo ngeitu hna nih lung pawl cu June 11 in 14 tiang (nili chung) thialkamnak le thianhhlimhnak tuah an duh caah Hakha in khaan 2/3 in 4/1 aa hlatnak tluk lam leet mi in Motor/Cycle kal khawh a sinak kong thanhca chuah mi chungah aa tel. Nili chung rian an tuan caan le caan karlak ah motor/cycle kal khawhnak a caan hna cu a tanglei bantuk in an si lai.

  • June 11 in 14 tiang Rian an tuan caan zing suimilam 8:00-12:00,
  • Zanlei suimilam 1:30-5:30 tiang
  • Motor/cycle luhchuah caan zing 6:00-8:00,
  • chun 12:00-1:00 kar,
  • zanlei 5:30 -7:00 tiang

A cunglei langhter mi rian an tuan chung lawng lam leet mi in kal a si lai i rian an tuan lo an i dinh caan chung te lawng rian an tuan nak lei in kal khawh a si.

Leave a Commnet

%d bloggers like this: