May 28, 2024

Kum 3 Chung Ah Hluttaw MP 21 An Thi MP 145 Tlaih An Tong

0

The Chinland Post | February 5, 2024 — SAC nih uknak a lak hnu kum 3 chung ah tlaih in thah mi le a ruang phuntling tampi in hluttaw MP minung 21 an thi, MP 145 tlaih an tong cang tiah Pyidaungsu Hluttaw – ပြည်ထောင်စု လွှတ်တော် nih February 1 ni ah cathanh an chuah.

Tlaih a tong mi hluttaw MP 145 chung ah Pyidaungsu hluttaw MP 19, Region – ramthen-ramkulh hluttaw MP 49 tiah an dihlak 67 hna hi nihin ni tiang thongthlak an si tiah cathanh ah a um.

Pyine- ramkulh Hluttaw MP pakhat cu tlaih in thah a si. Ramthen hluttaw MP 2 cu thonginn chung ah an thi.

Pyidaungsu hluttaw MP 7, ramthen-ramkulh MP 11 cu SAC nih uknak a lak hnu kum 3 chung ah khua chuah tak in an zaamnak hmun ah an thi tiah theih a si.

SAC ralkap nih hluttaw MP 198 hna an inn cu an hremh-khar piak hna, hluttaw MP 3 hna inn cu an khanghpiak hna.

Mah hluttaw MP sining vialte cu a voi 6nak pyidaungsu hluttaw online meeting February 1, 2024 kum, a nikhatnak meeting ah cathanh an chuah.

Pyidaungsu hluttaw a voi 6nak meeting a kai mi MP hi 211 an si tiah theih a si.

About The Author

Na ruahning rak langhter ve.. (Leave a comment)