Thandaunggyi Mai-lwin Sakhaan PDF Nih An Lak
The Chinland Post | 2024 February 5 — Karen ram, Thandaunggyi peng, Leik-tu byuha tang, Mai-lwin-pin-ma sakhaan cu KNLA le PDF phufonh nih an lak khawh tiah NUG nih February 4 zaan ah thawng a thanh.
Cu sakhaan cu ni 3 chung an doh i ruak an khangh mi 7 telh in ralkap chungtel 20 leng an thi i hriamngan le kuanzen, pawl an lak khawh tiah NUG nih a langhter.
Thandaunggyi peng KNU Brigade – 2 hmunhma, Taungoo pengkomh ah January zarh 2 nak zong ah ralkap nih Taungoo pengkomh ah kum 28 chung hmunhma an khuarnak sakhaan 3 in ralkap zapi nih an zaam tak dih.
Cu sakhaan 3 hi MOC-20 kuttang IB 528, IB 594 ralkap pawl nih hmunhma an khuar nak Thi-daw-pe (Htin-sho tlang) sakhaan, Bu-sa-khi sakhaan le Ti-mu-paw-su sakhaan hna an si i KNU nih sakhaan an thianh dih.
About The Author
