Kumtlinglo A Tlaihhremtu Hna Cu Thihdan Pek Ding Timi Biatung Chuahpimi A Sung
TCP-Thantlang| 2018 June 18| Kumtlinglo ngakchia a tlaih hremtu hna cu special Upadi ah telh i thihdan pek ding timi biatung chuahpi mi cu a sung tiah Pyithu Hluttaw nih a fehter.
Rakhine Party in Hluttaw palai pakhat nih special upadi ser i kumtlinglo in ngakchia a tlaihhremtu hna cu thihdan pek ding timi biatung cu June 18 Pyithu Hluttaw meeting ah NLD party minung 4 nih ceihhmainak ngeih a si. Hi biatung cu Pyi-the-zi lei nih an ruahnak zong an chim lo caah rampi Sih-ni (Lawyer) upadi ning in kan hman ko lai tiah an leh.
Hi kongah Sih-ni lei le mi bawmchantu le hmunhma petu vuanci zung nih biatung a dirhtu cu cohlan dingin an forlhfialpiak ko nain Hluttaw chungah a duhmi le duh lomi mee thlaknak an tuah tikah a duh lo mi nih an tei hna caah hi biatung a sunghnak cu a si.
“Mah biatung cu NLD party minung 4 chungah pathum nih upadi chungah kum 12 tang a tlaihhremtu hna cu thihdan pek dingin chap i telh an duh ko nain anmah chungin minung pakhat nih a duh lo caah mee an thlak i hi biatung a sungh hi a si. Hi biatung cu nu pawl hna caah humhimnak lawng si lo in kumtlinglo ngakchia ca ko hrim ah a tha tuk mi a si” tiah rampi sih-ni zungpi lei nih an chim.
Kawlram chungah kumtlinglo ngakchia tlaihhrem a tam chin lengmang caah 2018 thlali chungah ahmuh 300 le tlaihhrem taktak ko timi ahmuh zapi 68 % a chuak tiah pyi-the-zi zunglei in an chim.
Ref: DVB
About The Author
