Kawlram Tilianh Ruangah Inn 6,100 Ti Nih A Phum I Minung 11 An Thi Cang

0

TCP-Thantlang| 2018 June 18| Ruahsur ruangah Kawlram chungah inn 6,100 ti nih a phum dih i minung 23000 umnak ngei lo in himnak hmun ah an zam, minung 11 an thi cang tiah rampi mibawmchan tu le hmunhma petu zung in theih a si.

Mah cazin cu ti ruangah harnak a tongmi pawl an si i hi bantuk in ka dangdang zongah an um rih kho. Mon ramkulh ah innchungkhar 450 renglo le minung 3,700 renglo cu a himnak hmun ah thialter an si. Magwe ramthen chungah innchungkhar 1,000 renglo le minung 4,500 tluk, Irrawady ramthen chungah innchungkhar 800 tluk le minung 3,500 renglo, Rakhine ramthen chungah innchungkhar 2,500 renglo le minung 11,000 renglo le Shan ramkulh ah innchungkhar 140 tluk le minung 350 renglo cu an inn le lo chuah tak in a himnak hmun ah a zammi an si.

Kadang Kachin le Kaya ramkulh chung zongah tlawmpal cu an um rih. Cun Magwe ramthen chungah hlei 18 le tikham 9 tluk aa rawk i Mon ramkulh chungah phnih aa rawk ve. Sii-inn le phungki sianginn cheukhat zongah ti a lutmi le aa rawkmi zong an um len tiah mibawmchan tu zung in theih a si.

Kawlram chung tilianh ruang ah minung 11 an thi cang. Ti lianh ruangah tlanglawng lam rawh, motor lam rawh, vawlei min cimh zong an um len tiah theih a si.
Ref:Popular News Journal

About The Author

Na ruahning rak langhter ve.. (Leave a comment)

%d bloggers like this: