Kyaukhtu-Mindat Lam Nicaan Rikhiah Um Lo In Umkalnak Nawl An Phih
The Chinland Post | 2023 July 11 — SAC ralkap pawl rak lut in cawlcanghnak an tuah khawh mi a si caah Kyaukhtu-Mindat lam cu nicaan rikhiah um lo in umkalnak nawl kan phih tiah CDF-Mindat nih July 9 ah cathanh a chuah.
Magway ramṭhen, Kyaukhtu le Chin ramkulh Mindat lamcung ah SAC ralkap pawl cawlcanghnak a um caah zeitik caan poah kahdohnak a chuak kho mi a si tiah an thanh.
Kyaukhtu in a rak chuak mi SAC ralkap pawl cu Kyaukhtu peng, Myopauk khua tawlei le Paukkhaung khua, Minkyi khua hna an phan cang tiah cathanh chung ah an langhter.
Atu a rak kai mi SAC ralkap hi mawṭaw 9 le ralkap 200 hrawng an si i Kyaukhtu vanlawng tual ah mawṭaw 60 hrawng a um tiah an langhter.
Kyaukhtu hriamngan ralkap battalion sin ah a phan mi SAC ralkap riahcaw phor mawṭaw pawl cu Saw khualei a panh kho mi an si caah Saw-Kyaukhtu lam ah mipi hna nih umkalnak tuah rih lo ding in Gangaw pengkomh B13 zong nih July 9 ah cathanh a chuah ve.
About The Author
