Phyu Peng, Ohphyat Palek Sakhaan Le Ohphyat Hlei Kahdohnak Ah SAC Ralkap 10 An Thi
![](https://i0.wp.com/thechinlandpost.info/wp-content/uploads/2023/07/KNLA-Sniper.jpg?fit=640%2C480&ssl=1)
The Chinland Post | 2023 July 11 — Bago ramṭhen, Phyu peng, Ohphyat palek sakhaan le Ohphyat hlei ah a um mi SAC ralkap gate cu KNLA, Yoma Column phufonh nih an kah hna caah SAC ralkap 10 an thi tiah thawng theih a si.
July 10 chun ah Ohphyat Sittaung hlei ah a um mi SAC ralkap gate cu Sniper in an va kah hna caah SAC ralkap 2 an thi, cun Drone in 60MM bom an thlak hnawh hna caah ralkap 2 an thi chap tiah theih a si.
Cubantuk in July 8 zong ah Ohphyat hlei ah himnak a lak ding in a phan mi SAC ralkap pawl cu KNLA, Yoma Column phufonh nih Drone in 60MM bom an thlak hnawh hna caah SAC ralkap 6 an thi tiah Yoma Column nih a thanh.