Kyauktaga Peng Ah Pyusawthi 4 An Kah Hna
The Chinland Post | 2023 October 19 — Bago ramṭhen, Kyauktaga peng, SAC kuttang khuabawi le pyusawthi pawl cu an kah hna i 4 an thi, WY rithai sii an lak khawh tiah PDF Battalion 3801 C05, Gyobingauk Hero Guerrilla phu nih an thanh.
October 16 zinglei sml 11:00am hrawng ah Bago ramṭhen, Kyauktaga peng, Myochaung 8 Mile khuabawi Aye Hlaing le a nupi Chawsu cu Myochaung Bago Yoma lam, 46 Mile ah PDF Battalion 3801 C05 nih an kah hna i a hmun ah an thi.
Cubantuk in October 14 zinglei sml 8:00am hrawng ah Kyauktaga peng, 14 pyusawthi in Htet Wai Yan Kyaw le Phato khua in pyusawthi Aung Aung hna cu Myochaung Bago Yoma lam, 46 Mile pawng ah PDF Battalion 3801 C05 nih an kah ve hna i a hmun ah an pahnih ning in an thi tiah theih a si.
A thi mi pyusawthi 2 sin in cycle 1, phone 1, WY rithai sii 51, lungthawhnak rithai sii bawm 2 le tangka 7,500MMK hna an lak tiah theih a si.
About The Author
