Loikaw Kahdohnak Ah Ralkap 15 CDM An Tuah Chap
The Chinland Post | 2023 November 27 — Karen dothlennak phu pawl nih an kah cuahmah mi Karenni ram, Loikaw khuachung kahdohnak ah a sung tuk mi ralkap chung in minung 15 nih KNDF sin ah hriam chiah in a sung an pek tiah KNDF nih a thanh.
Atu bantuk in ralkap 15 nih hriam chiah in a sung an rak pek chap hnu in KNDF nih Loikaw khuachung ah a um mi adang ralkap pawl zong a rannak in a sung rak pe u tiah an forhfial hna.
Karenni ram ah Operation 11.11 an thawk hnu thla 1 chung ah dothlennak phu pawl nih kahdohnak ruang ah IB 425 Battalion Commander le Second Battalion Commander telh in Battalion ning in a thi mi an um, a luancia ni tlawmpal ah Loikaw University tual chung ah hmunhma a khuar mi IB 6 in Company Commander le adang ralkap 22 zong hriam chiah in a sung an pek tiah theih a si.
About The Author
