May 21, 2024

Magway ramṭhen chung ah PDF nih kahdohnak hmakhat te ah an tuah i SAC ralkap 31 an thi

0

The Chinland Post | 2023 February 15 — Magway ramṭhen, Thayet peng, Salin peng, Seikphyu peng, Puak peng, Yesagyo peng, Saw peng, Tilin peng le Gangaw peng hna ah hmunhma a khuar mi SAC ralkap pawl hmakhat te ah an kan khawh hna tiah NUG nih a thanh.

February 8 le 9 ah cu kahdohnak pawl cu NUG MOG hruainak in an tuah khawh i kahdohnak chung ah SAC ralkap 31 an thi, tampi hliam an tuar leng ah SAC ralkap buk pawl, inn pawl an hrawh khawh i hriam zong an lak khawh tiah a thanh.

Kahdoh an tuahnak hmunhma pawl hi Thayet peng ah a um mi runvennak sehzung, Yemyatni palek sakhaan,  Magway vanlei ralkap Headquarters, Magway ramṭhen ah a um mi Brigade 101 kuttang Infantry 253, 254, 255, Kanpya palek sakhaan, Seikpyu peng ah a um mi vanlei runvennak Brigade 9,  No. 21 runvennak sehzung pawng sakhaan, No. 22 runvennak sehzung, Kailay palek sakhaan, Sikaung khua sakhaan, Zidaw khua hrambunh pyusawhtee sakhaan, Saw peng ah a um mi No. 25 ruvennak sehzung, Laungshay palek sakhaan, Nyaungnichaung palek sakhaan, Yunchaung, Setdawyakung, Tinlin peng ah a um mi GAD zung, Gangaw peng ah a um mi Minzua palek sakhaan hna an si.

Kahdohnak chung ah Thayet pengkomh PDF, Magway battalion pawl, Minbu pengkomh PDF pawl, Pakokku pengkomh PDF pawl, Gangaw pengkomh PDF pawl, Sagaing pengkomh battalion pawl, Mingyan battalion pawl, PDF Yenanchuang, Minbu, Pwintpyo, Tilin, Seikpyu, pawl nih anmah le hmunhhma cio ah an tuah tiah theih a si.

About The Author

Na ruahning rak langhter ve.. (Leave a comment)

%d bloggers like this: