Northern Commander Major General Ko Ko Maung Ai Ah Kalaymyo Military Operations Commander MOC-10 Commander Brigadier General Soe Hliang Ah An Chiah
Salai Mangpau | July 24, 2023 — Kachin ramkulh khualipi hrambunh, Northern Commander Major General Ko Ko Maung le a kuttang um ralbawi ngan 6 cu July 13 zaan 8:30 ah SAC nih Nay Pyi Taw zung in an rak tlaih hnu ah Major General Ko Ko Maung ai ah Kalaymyo hrambunh 10th Military Operations Command (MOC-10) စစ်ဆင်ရေးကွပ်ကဲမှုဌာနချုပ်, စကခ -10 Commander Brigadier General Soe Hlaing cu Northern Division Commander ah an chiah tiah theih a si.
SAC Ralkap nih tukum 2023 chungah Kachin, Chin, Karen, Karenni le Sagaing ah biatak thlak in raltuk a timh i, KIA Headquarter Laiza hmun hi huam sam te’in a nam cuahmah lio a si.
July 8, 2023 khan Laiza in Meng-6 hlat ah um Nam San Yan khua cu Ralkap nih an luhhnawh, nain KIA le AA tangti hna nih an rak dirnhonh khawh rih caah nihnih chung miakpi le Jet fighter-3 bak i bomb an thlak hna tiah theih a si.
KIO/A hi Tuluk (China) ramri an um caah an thin a phang lem lo in a lang. Cun, KIA Ralbawi le SAC Northern Commanders hna hi a thli in an i chawnbia ton tiah SAC lei nih an lunghrinhnak an ngeih hna caah Ralbawi an tlaih nak hna hi a si tiah a chim mi an um.
KIA phaisa hmuhnak Lungkhur cawhnak ca hmang dingmi Zen-phut (ယမ်းမှုန့်) phur mi mawtaw cu China- Myanmar ramri Gate ah an tlaih. A thaihmi hna nih Northern Commanders [Major General Ko Ko Maung] nawlpek nakin kan phurh mi a si tiah an chim ruangah July 13 ah Major General Ko Ko Maung, Deputy Commander Brigadier Aung Myo Oo, Colonel Aung Kyi Lin (Border Affairs Minister), Hpakant Camp Commander le Officers-2 cu Nay Pyi Taw ah Vice Senior General Soe Win nih a auh hna i, biahalnak an tuah hna hnu ah midang cu an rian in an thial hna, nain Major General Ko Ko Maung bel a umnak theih a si lo tiah an chim.
Major General KoKo Maung hi Ralhrang nih hramhram nawlngeihnak an lak (coup) hlanah Kachin ram Bahmaw i chiahmi Infantry Battalion-21 le Mu-Kong Strategy Commnd-3 ah Commander in a rak tuan cang caah KIO/A kong hi a thei ngaimi a si tiah theih a si.
2021 coup lio ah SAC Ralbawi Major General cung-78 chungah Major Ko Ko Maung hi No.77 nak a si i, Maj General Zaw Min Thun hi No. 69 nak a si tiah theih a si.
Cucaah, Bochuk Ko Ko Maung ai ah Kalaymyo hrambunh 10th Military Operations Command (MOC-10) စစ်ဆင်ရေးကွပ်ကဲမှုဌာနချုပ်, စကခ -10 Commander Brigadier General Soe Hlaing cu Major General pekin Kachin ramkulh khualipi Myitkyina hrambunh ralhrang sakhan, Northern Division Commander ah an chiah i, amah hi July zarhthumnak ah Myitkyina a phan tiah theih a si.
Cun, Home Deputy Minister le Police Chief Major General Zin Min Htet cu Security lei ah a tlinh loh an ti caah, Youths & Sports Deputy Minister ah an thial. Amah aiah Golden Triangle Commander Nyi Lyin Aung cu Police Chief ah an chiah than. Culawng siloin ralbawi tampi zong an thial thluahmah hna caah SAC chung ah buainak zeimaw cu an ngei tiah zumh a si.
Major General Ko Ko Maung an tlaih, July 13 zan ah Commander le a kuttang ralbawi rual zan riah rawl ei dum ti nak (dinner party) an tuah; an dih hnu zan 8:30 pm ah an dihlak in tlaih an ton. Commander pa cu an tlaih lio ah kut khih a tong lo. A dang ralbawi cu kutkhih tlaih an si dih. Commander a nupi nih biachim can tawite a hal, nain biachimnak nawl an pe duh lo.
Commander Ko Ko Maung hi kan hnu kum 2022 October thla ah Hpakant peng, ANang Pa ah Vanlawng in bom an rak thlak lio ah mibu tampi thahnak nawl a petu a si. Northern Commander a tuannak kum khat a tling rih lo. Kachin ram a riantuannak a chiahru ngai. Hpakant pengum KIA hotu bawi sin ah ton biaruahnak a ngei i Pyakant lunghring (Jade) a fir. Tuluk (China) ram mirum (lawban) he vawlei tang chuak thir mansung an fir tiah SAC Nay Pyi Taw ralkap thawngpe sin theih a si.#
About The Author
