SAC Nih Kyat 20,000 Ca Thar Chuah Ding A Thanh
Salai Mangpau | July 23, 2023 — SAC Ralhrang nih Buddha Milem Marrawihzaya [မာရဝိဇယ ဗုဒ္ဓရုပ်ပွားတော်] an sak dihnak le Vuirang (Sairang) chuah kum 1 tlin lawmhnaknak ah Kyat 20,000 catlap thar cu July 31, 2023 ah kan chuah lai tiah thanhnak a tuah.
Nihin zing, July 23 ah SAC ngeihmi MWD thawngzamhnak nih an langhter ning ah, Kyat 20,000 a hmai lei ah Sairang (Vuirang) hmantlak le a hnulei ah Sagaing donhhlei le Ayeyarwaddy donhhlei hmanthlak an cuan ter lai tiah a thanh.
Hi 20,000 catlap thar an chuahnak kong he pehtlai in thanhnak an tuah ning ah, SAC nih ramchung chawlehnak a rawhnak kong pakhat hmanh langhter lo in, Buddah biaknak thanchoternak hmaithlak in le Nay Pyi Taw ah an sak thar mi vawleicung Buddah zuklem a ngan bikmi an limnak lawmhnak le Vuirang chuah lawmhnak cam tuak hi an chuah hnawh chan ah an langhter.
Ralhrang nih a thanh ning ah, Tangka catlap a rawkral cangmi le hman awk tha tilomi airawlh ding ah 20,000 (thongkulh) catlap thar i rikhiah (limited) in chuah a si i, a thawk ah Nay Pyi Taw, Yangon, Mandalay i Central Bank of Myanmar ah lak le thlen hram thawk khawh a si lai tiah a thanh.#
About The Author
