Mara Hmunhma Hriamtlai Phu 2 A Si Mi MDF/MTC le CDF-Mara Cu An I Fonh Cang
The Chinland Post | 2024 May 24 — Chin ramkulh, Mara hmunhma hriamtlai phu 2 a si mi Maraland Territorial Council/Maraland Defense Force (MTC/MDF) le Interim Maraland Council/Chinland Defense Force-Mara (IMC/CDF-Mara) hna cu Mizoram, Siaha pengkomh, Zawngling khua 2024 May 22 in May 23 tiang ni 2 chung tonnak an ngeih hnu ah atu bantuk in kaphnih lungtling tein an i fonh hi a si.
“Kan phu 2 fonh in hmailei kan kalpi ding phung pawl zong an ṭial ṭhan lai, Mara hmunhma a daih nakhnga kan ṭuanṭi lai, Chin ramkulh chung ah a tang rih mi SAC ralkap pawl zong Chin dothlennak phu pawl he bawm in kan doh rih hna lai” tiah CDF-Mara tuanto ngeitu pakhat nih Matupi Times ah a chim.
CDF-Mara le MDF hna cu an karlak theihthiam lonak ruang ah Mara hmunhma chung ah kaphnih karlak kahdohnak a chuak i kaphnih lei in a thi mi zong an rak um bal.
Tutan tonnak ah MDF/MTC le CDF-Mara lei in ṭuanvo ngeitu minung 7 veve tiah tonnak an ngei.
About The Author
