June 21, 2024

March 28 Ah Myanmar Ram President Thimnak Tuahding In An Fehter Cang

0

City Hunter| 2018 March 26| March 26 ah tuahmi ramkomh hluttaw nih Myanmar President thimnak cu March 28 ah tuahding le President thimmi fehternak tuahding in biakhiahnak an tuah cang.

Myanmar rampi President aa cuhtu ding cu Pyithu hluttaw nih Vice President ah an thimmi U Win Myint (NLD), Vice President Henry Van Thio (NLD) le Vice President U Myint Swe (ralkap palai) an si lai.

Ramkomh hluttaw meeting agenda a chuah hlan ah Hakha peng in Amyotha hluttaw MP Pu Ngun Hei nih atu bantuk in The Chinland Post ah a chim.

“Kanmah NLD palai nihcun Win Myint nihhin President si khawhnak tahfung a tlinh ko lai, tlinhlonak a ngei lai lo ti kan zumh. Cun, amah hi President ca ding ah zapi duhmi zong a si fawn. Cun, President zong a tuan kho dingmi pasal tha a si ko. President thimnak taktak cu March 28 ah a si lai ti ka ruah. Zei ruang ah ti ahcun thaizing March 27 cu Ralkap Ni a si caah zungkhar le hluttaw meeting tuah a si lai. Cun, March 29 (nili ni) khi kanmah Amyotha hluttaw meeting kan tuah ve cang lai. Cu ruang ah a fiangmi cu March 28 ah Myanmar rampi President thimnak le fehternak a si ko lai ti ka ruah.”

http://thechinlandpost.info/mp-ngun-hei-nihin-ramkomh-hluttaw-ah-president-thimnak-kan-tuah-rih-lai-lo/

U Win Myint hi Pyithu hluttaw Speaker hlun a si. Cun, NLD CEC secretary chungtel (central committee) zong a si chih. President U Htin Kyaw nih March 21 ah a rian a chuahtak ni le a phuahtak ni bak ah Pyithu hluttaw Speaker rian kha a chuahtak ve. March 23 ah tuahmi Pyithu hluttaw nih President aa cuhtu ding Vice President ah an thim.
Ramchung ramleng Myanmar ram kongkau ramkhel lei cawlcangtu tampi nih a ralaimi Myanmar rampi President cu U Win Myint a si ko lai tiah an zumh cio dih.

About The Author

Na ruahning rak langhter ve.. (Leave a comment)