May 21, 2024

Mark 400 Cung A Hmumi Nih Ramdang Caholh Cawnnak University Sok Khawh A Si

0

TCP-Thantlang| 2018 June 13| Tukum tanghra awnnak mark 400 cung a hmumi nih Yangon i ramdang caholh (University of Foreign Languages, Yangon) cawnnak university kainak cu dengteo sok khawh a si cang tiah June 12 ah an thanh.

Hi sianginn kainak sok a duhmi hna nih tanghra awnnak mark 400 in cunglei a hmu mi a si lai i Mirang caah mark 65 in a cunglei a hmumi a si lai. Siangngakchia hna nih anmah le duhmi papek in Subject pathum i thim khawh a si. A sokmi hna nih an kai hlan ah oral interview an tuah hmasa hnu ah anmah le an duhmi, an lungkal bikmi i thim khawh zong a si.

A tukum cacawn kum ah Tuluk ca a lami minung 100, Mirang 150, Germany 100, Japan 100, Korea 100, Russia 100 le Thailand ca minung 50 tiin cohlan an si lai. Sok a duhmi nih June 15 in July 15 tiang Yangon ramdang cacawnnak University ah lak i hlat khawh a si.

Oral interview cu July 25 ah phitter an si lai. Fiangtein theih a duhmi hna nih Yangon ramdang caholh cawnnak University phone 01-535985 / 01-513198/ 01- 515234 ah pehtlaihnak tuah khawh a si.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: