June 17, 2024

Matupi-Mindat Khuate Pahnih Ah Thilri Tampi An Fir, Chin Piang Khua An Khangh

0

The Chinland Post | February 9, 2024 — Paletwa peng in a zaam mi SAC ralkap pawl cu Matupi peng Lungpang khua le Sangtak khua ah an lut i khua mi hna thilri tampi an fir, January 20 zinglei suimilam 10:00am hrawng ah Matupi peng Lungpang khua ah SAC ralkap pawl cu an lut i vok 10, meheh 3 le ar tampi an thah. Khuami cycle 8 le solar tampi zong an hrawhpiak hna tiah an langhter. January 21 Sangtak khua ah an lut ṭhan i khua mi hna vok le an ar cu an thah i an ei piak ṭhan hna. Khuami nih an i ngeih mi siikhan chung um solar 4, battery, Coolbox 1 zong an hrawh pin ah sii-ai a um mi dihlak an khanghpiak hna, tiah Matupi peng mipi uknak phu nih an langhter.

February 1, 2024 ah Matupi hrambunh LID 304 battalion in SAC ralkap 200 hrawng ralhmai an rak chuah lio ah Chin mipi ralkap hna bom in ralkap 6 hliam fak an tuar hnu in February 2 ni ah Matupi- Mindat lam um Chin Piang khua dihlak SAC ralkap nih an khangh.

SAC ralkap 100 cu Matupi khua lei ah an kir than, a tang mi ralkap 100 hrawng cu Chin Piang khua –B ah an um rih caah CDF-Matupi lei nih Matupi-Mindat lam umkalnak tuah rih lo ding in thawng an rak thanh.

About The Author

Na ruahning rak langhter ve.. (Leave a comment)