June 22, 2024

Min Aung Hlaing Uknak Kum 3 Chung Ah Ralkap Thazang Sining

0

Salai Mangpau

National Unity Government, Ministry of Defence tang ah um mipi dothlennak ralkap phu cu SAC ralhrang bu dohnak ah Operation tampi tuah in kahdohnak a tuah peng. Nihin a biapi ngai mi Operation hi Sittaung tiva pawngkam vialte lak khawh ding le Ayeyarwaddy tiva nitlak lei ah operation tuah in kahdohnak an tuah lio a si.

Khuapua dohthlennak hramthawk ah Defense lak in kahdoh a umnak Sagaing, Chinram, Karen le Karenni ramṭhen ah kahdohnak a um peng. Nihin ah mipi ralkap le tangti rakap hna nih SAC ralkap humhimnak hmun tam a si mi Bago, Magwe, Naypitaw le Tanintharyi lei ah kahdohnak zualhma ngai in an tuah khawh. SAC ralhrang lei hmunhma a bi ngai cang. Sagaing, Chin, Karen le Karenni lei ah SAC sakhan lak m khuachung kahdohnak tuah in khuate kip ah mipi ralkap nih uknak an ser khawh cang.

Min Aung Hliang Uknak Ah Pakhat Le Khat Zumhlonak A Zual

SAC bawizik Min Aung Hlaing nih a zumh ngai mi SAC lutlai eihmurnak siangpahrang L.t Moe Myint Tun cu eihmurnak he pehtlai in innhrenkhumh tlaih in bia an hal lio a si tiah ralhrang lei chung in thawng theih a si. Myanmar kyat tangka man ngei lo a umnak kong hna dothlat ding in SAC bawizik nih bia cahnak a ngei hnu in a leng lei Sui zuar, dollar zuar le a dang chawlet tu hna lutlai General Yan Naing Soe cu an tlaih.

General Yan Naing Soe hi L.t General Moe Myint Tun hi a kut khatlei bantuk in a bochan ngai mi minung a si. SAC lei nih an rak tlaih mi sipuazi rianṭuan mirum hna lei Myawaddy bank, Myanmar Economic Corporation le SAC nih a tuah mi sipuazi riantuannak lei lutlai tampi nih L.t Moe Myint Tun cu tangka zikhnawh an pek .

SAC bawizik Min Aung Hlaing nih August thla dih zarh ah SAC lutlai ralbawi 7 thlennak a tuah ṭhan. SAC bawizik nih August thla hramthok ah ralbawi 22 cu thlennak a rak tuah cang i atu ah ralbawi minung 7 thlennak a vun tuah than hi a si.

Min Aung Hlaing Ralkap thazang an tlawm tuk caah Pyituhsit ralkap a auh

Khaupau dohthlennak thawknak hi kum 2 hlei, kum 3 ka phan cang i SAC ralkap thazang hi a tlawn bik 55,000 hlei an zor cang. Atu SAC ralkap a thi mi, hliamtuar mi, ralkap chuahtak in aa zaam mi, CDM a tuah mi hi nikhat hnu nikhat an karh. Hlan ah cun ralram a kal kho mi sing 2 hrawng an rak um tiah SAC ralkap hlathlai tu sin in theih a si.

Nihin ah SAC lei nih mipi tlangtar in thazang thar chapnak a tuah peng ko. A bik in Bago ramṭhen le Ayeyarwaddy ramṭhen lei ah mipi pyituhsit ralkap thazang lak in training a kai ter hna. Mipi tam deuh nih Pyituhsit lut duh lo in mipi ralkap lei ah thazang lungthin le pumpak in an lut i SAC ralkap cu an doh.

January zarhhnihnak 2024 in Daik U peng um khuate kip ah Pyituhsit ralkap lut ding in minung 20 SAC lei nih an hal hna. Mah khuate innchungkhar ah pa an um lo ahcun kum 18 in kum 50 karlak nu hna pyituhsit ralkap lut ding in ralkap lei nih an hal hna tiah theih a si. Daik U peng khuate cheukhat cu SAC uknak a lak hlan ah tualchung mi pa hna cu ramdang a kal mi le Yangon le peng dang ah riantuan a kal mi an um caah khua ah pa an tlawn i nu an tam tiah theih a si.

Khuate kip Pyituhsit ralkap dirh ding in a tlawm bik minung 20 in 50 tiang pyituhsit bu dirh ding an um lo ahcun me zuh hnu ah hramhram in an lut ter hna lai tiah an ti hna.

Mipi hunhimnak, pyituhsit tiah tlangtar in ralkap hna an thil tuah mi hi mipi cung duh poah in hramhram uknak, mithar laknak a tuah mi hi mipi lei nih ralkap an huat chinchinnak lam deuh a si caah SAC lei nih a kalpi mi strategies- Byuha a hman mi aa palh hlei ah ralkap uknak sungh zatlaknak lei a pamhnak tu a si deuh cang.

Min Aung Hlaing Van ralkap

2021 kum in SAC nih uknak a lak hnu ah mipi ralkap nih an hrawh mi le  a tla lak in an kah mi hna cu –

1.A pakhatnak vanlawng kahnak hi May 3, 2021 khuapau dohtlennak a hramthawk ka Kachin ramkulh, Moemeik peng, Tower tung kahdohnak ah Russia ser Mi-35 cu KIA nih tla lak in an kah.

  1. A pahnihnak vanlawng rawk lak in an kahnak cu Hmawbi Air Base Quarter ah Russia ser Yak-130 vanlawng number 1802 le 1803 cu Febuary 18, 2022 ah People’s Force (Yangon) nih lam hla remove control bomb in an kah.
  2. Apathumnak cu January, 2023 Chinram, Thantlang khua lei a ra mi Mi 17 thilphor Helicopter cu CDF- Thangtlang le CNA nih drone in an kah i Helicopter an khen caah meikhu a chuak, Thantlang khua ah tum kho ti loin a kit ṭhan.
  3. A palinak ah Sagaing ramthen, Hommalin peng, Shwe Phi Aung khua kahnak ah Ralkap Helicopter 1 cu February 1, 2023 ah an kah khawh.
  4. A panganak ah SAC fighter 1 a hmasa bik kahnak hi June 30, 2023 Karenni ram, Bawlakhe pengchung ah K-8 an thlak.
  5. A voiruknak hi November 11, 2023 kum ah KNDF-BO1 le KIA nih Karenni peng ah K8 W jet fighter an kah.

7.A voisarihnak cu January 16,2024 kum chun sml 12:00pm hrawng ah Shan ram chaklei, Kutkai peng, Nam Hpat Kar khua, Ma-nu-yan hmunhma ah bom a rak thla mi ralkap kahdohnak vanlawng pakhat cu KIA nih an kah thlak i mah vanlawng hi Tuluk ser FTC 2000G a si, a mawngtu Major le a bawmtu Captain hna an thi.

  1. A pariatnak ah January 29, 2024 Karen ramkulh, Myawaddy peng, Tin Kan Nyi Naung khua zaanlei sml 2:30 ah SAC helicopter tla lak in kahnak ah Light Infantry Division (LID) 44th Commander Major General Aye Min Aung telh in ralkap 5 an thih hi a si.

Tilawng ralkap Lubik thlennak

SAC bawizik nih August thla zarhdihnak lei ah Tilawng ralkap bawibik General Moe Aung cu a dinh ter i a mah a changtu Lieutenant General Zwe Win Myint cu ti lei ralkap bawibik a ṭuan ter.

SAC nih uknak a lak hlan deuh ah tiawng ralkap bawibik cu General Tin Aung San a rak si. SAC uknak a lak hnu 2021, February 3 ni ah Min Aung Hlaing nih General Tin Aung San cu rian dinhter. A mah aiawh ah General Moe Aung Ko a tuan ter.

General Mon Aung Ko hi SAC ti lei ralbawi bik a tuan kum 2 hnu ah rian dinh ter a si i amah aiawh ah Lieutenant Zwe Win Myint a ṭuan ter than.

“Lieutenant General Zwe Win Myint cu atu tilawng ralkap bawibik a tuan ter. General Mon Aung Ko ngeih mi UAB bank cazin an check lio. A tu ralbawi thlennak an tuah hi kan hnu thla hrawng ah a si cang. Thawngpang a chuah lo caah theih a si lo. SAC nih thawngthanhnak a tuah mi SAC central committee lio ah an min aa rak um lo. Cun a tu hi General Moe Aung Ko cu zeibantuk rian a pek ti theih a si lo tiah Ayeyarwaddy Times nih a chim.

General Moe Aung Ko hi hlan ralkap bawizik Senior General Than Shwe chan lio USDP party lutlai bawi U Aung Taung fapa lak ah upa cem a si. UAB bank hi a nau pa U Nay Aung dirh mi a si.

SAC Lutlai ralbawi Thlennak

SAC bawizik Min Aung Hlaing nih August thlachung ah SAC lutlai ralbawi 22 thlennak a rak tuah cang.

SAC bawizik nih August thla zarhdihnak lei ah Tilawng ralkap bawibik General Moe Aung cu a dinh ter i, a mah a changtu Lieutenant general Zwe Win Myint cu ti lei ralkap bawibik a ṭuanter.

SAC nih uknak a lak hlan deuh ah tilawng ralkap bawibik cu General Tin Aung San a rak si. SAC uknak a lak hnu 2021, February 3 ni ah Min Aung Hlaing nih General Tin Aung San cu rian dinh ter a ton. A mah aiawh ah General Moe Aung Ko a tuan ter.

General Mon Aung Ko hi SAC ti lei ralbawi bik a tuan kum 2 hnu ah rian dinh ter a tong i amah aiawh ah Lieutenant Zwe Win Myint a tuan ter ṭhan.

Lieutenant General Zwe Win Myint cu atu tilawng ralkap bawibik a tuanter. General Mon Aung Ko ngeih mi UAB bank cazin an check lio. Atu ralbawi thlennak an tuah hi kan hnu thla hrawng ah a si cang. Thawngpang a chuak lo caah theih a si lo. SAC central committee lio ah an min aa rak um lo. Cun atu hi General Moe Aung Ko cu zeibantuk rian a pek ti theih a si rih lo tiah Ayeyarwaddy Times nih a rak chim.

General Moe Aung Ko hi hlan ralkap bawizik Senior General Than Shwe chan lio USDP party lutlai bawi U Aung Taung fapa lak ah upa cem a si. UAB bank hi a nau pa U Nay Aung dirh mi a si.

Naypitaw In auh  A Tonmi Lieutenant General Htey Za Kyaw

Lieutenant General Htey Za Kyaw hi hlan ah Pathien hrambumh South-western Commander a si. NLD mipi cozah chan lio ah Northern Commander a tuan. Ei hmurnak kong buainak a ngei ruang ah South Western Commander General Htey Za Kyaw cu Northern Commander ah rian an pek.

Mah hnu ah Min Aung Hlaing nih Lieutenant General rian sang a pek. No. 1. Bureau of Special Operations Command lutlai (ကစထ-၁ မှူး) rian an tlaih ter. Amah nih cun Myint Kyi Na hrambunh Northern Command, Monywa hrambumh North Western command, Mandalay hrambunh Central Command tiah command 3 lutlai a si. Mah rian hi Min Aung Hlaing nih a zumh bik mi ralbawi thim in a pek mi rian a si. Nihin kahdohnak a zulcem mi Kachin, Sagaing, Mandalay, Magwe le Chin ram pawl kahdohnak ah nawl ngei bik tu No. 1 Bureau of Special Operations Command a si.

July thla, Northern commander Major General Ko Ko Maung te phu tlaih lio ah a zumh cem mi Lieutenant General Htey Za Kyaw cu tliahchih a rak tong ve.

Thlakhat a ruah hnu ah No. 6 Bureau of Special Operations command ကစထ – ၆ lutlai ah rianpek than a si. Atu rian hi Naypitaw command pakhat lawng a uk lai i Naypitaw runvennak ah a biapi tuk mi hmun a si.

Regional Military Commands ralbawi 4 thlennak

SAC nih uknak a lak hnu ah Bureau of Special Operations ကစထမှူး an thlen than hna.

  1. 1 Bureau of Special Operations ကစထ – ၁ မှူး ah Central Commander Major General Ko Ko Oo cu Lieutenant General rian an kai ter i No. 1 Bureau of Special Operation Commander rianpek a si caah Central Command ah Pathein peng hrambunh South Western Commander Major General Kyi Khaing an ṭuanter. Southwestern commander ah Naypitaw commander Major General Wai Lin ṭuan ter a si.

SAC Mawyawaddy tilawng ralkap camp ralbawi telh in 60 cu ralvennak an kal lio ah an zaamtak. Minthang mi, Dawei hrambunh Coastal Commander Major General Saw Tan Hlaing cu Naypitaw Ccommander ah amah umnak ah Bahthu ralkap training sianguk cu rianpek a si.

“Atu bantuk in rian thial mi ralbawi, tlaih a tong mi rawlbawi pawl zohtik ah Min Aung Hlaing nih a kuttang riantuan ralbawi pawl a zum ti hna lo ruang ah a si ko” tiah CDM Captain pakhat nih Ayeyarwaddy Times ah a chim.

Ralkap bawizik hlun U Than Shwe chan ah a zumh ngai mi USDP hruaitu bawi U Aung Taung fapa General Moe Aung cu Minister of Home Affairs rian a tuan cuahmah mi Lieutenant General Yar Pyae aiawh ah rian a pek.

Ministry of Border Affairs Deputy Minister Major General Khun Thant Zaw Htu cu General Moe Aung zung No. 4 Council Chairman Ministry ah Deputy Minister ah rian a pek mi zoh tik ah Min Aung Hlaing nih February 1 hlan ah SAC hruaitu hna minung thlennak a tuah.

Min Aung Hlaing a mah direct uknak tang ah Ministry zung a thar 4 a chap mi hi President hlun U Thein Sein chan ah President Ministry minung 6 a rak chap mi bantuk in amah nih Minister pawl cu amah duhning in uk a duh hna ruang ah Ministry zung 4 a thar a tuah mi a si ko.

U Than Shwe chan ah Regional Military Commands (RMC) စစ်တိုင်းမှူး hna cung ah   Bureau of Special Operations (BSO) စစ်ဆင်ရေးအထူးအဖွဲ့မှူး (ကစထ) ralbawi Lieutenant General hna nih RMC pahnih in pathum tiang tlaih ding in rian a pek hna.

About The Author

Na ruahning rak langhter ve.. (Leave a comment)