May 20, 2024

Min Aung Hlaing Myingyan Khua A Tlawn Lio ah Drone In An Kah Ralhrang 7 An Thi

0

Salai Mangpau | June 1, 2023 — SAC Ralhrang bawizik Min Aung Hlaing Myingyan khua a um lio ah Drone in bomb an thlak hnawh i, Ralhrang mi 7 an thi tiah Myingyan District Battalion 4 Natogyi PDF mipi ralkap nih a chim tiah Yangon Khit Thit Media nih a thanh.

May 31 chun 11:45 ah Ralrang Bawizik Min Aung Hlaing le Bawizik chang Soe Win cu Myingyan khua hrambunh (Light Infantry Battalion 15) ah Helicopter in an tum. Cu hnu ah Myingyan khua a ummi Thir sernak sehzung (NLD chan ah a miak mi a um lo ruang ah khar a ton) cu on than ding in an zoh lio ah mipi ralkap nih Drone in Bomb 4 an thlak hnawh hna tiah theih a si.

Cu Drone kahnak ah, Ralrang lei mi 7 an thi, mi 8 nih hliamhma an tuar tiah Khit Thit Media nih cun a langhter.

May thla zarhthumnak in Mandalay hrambunh SAC ralkap hna cu Myingyan khua luhnak le Natogyi-Myingyan lam, Myiangyan Tuangtar, Myingyan-Pagan Nuang Oo lam le Myingyan- Myothar lam an khar.

SAC ralkap lei nih ralring ngai in Security an lak, nain Min Aung Hliang a tlawngnak Myingyan (Light Infantry Battalion- 15 ) ah Drone in bomb an thlak khawh caah tuanvo ngei tu battalion commander cu a hmai ah pengh a ton i ralhrang bawizik rual cu Helicopter in hmundang ah an kal than tiah theih a si.#

About The Author

Na ruahning rak langhter ve.. (Leave a comment)

%d bloggers like this: