Mindat Ah Kahdohnak Um Lo Pi In Ralkap Nih Vanlawng In Bom A Thlak i Mipi Inn 3 A Rawk
The Chinland Post | 2023 November 6 — Chin ramkulh, Mindat peng ah kahdohnak um lo pi in ralkap nih vanlawng in November 4 zinglei sml 10:20am ah bom a thlak caah Mindat-Matupi lam cung ah a um mi mipi inn 3 a rawk tiah theih a si.
Ralkap nih vanlawng in voi 2 tiah bom lung 6 a thlak hi a si i mipi umkalnak lam kam ah a um mi inn pawl a rawk tiah CDF-Mindat nih an thanh.
Mindat peng, meng 16 le Pann sakhaan hi Mindat-Matupi lam ah a um mi a si i Mindat khua hrambunh LIB 274 zong nih vanlawng in bom a thlaknak lei ah hriamngan a kah tiah an thanh.
Chin ramkulh chung ah vanlawng in kahdoh a tong bik hmunhma ah Mindat peng zong aa tel i vanlawng kahdohnak ruang ah hngakchia telh in khuami cheukhat zong an thi cang i mipi inn tampi zong a rawk.
About The Author
