Shan Ram Chaklei Ah Ralkap Sakhaan 120 Leng An Lak Cang
The Chinland Post | 2023 November 6 — Shan ram chaklei ah Operation 1027 an thawk in ni 10 chung ah ralkap sakhaan 120 leng an lak khawh cang tiah chaklei unau hawikom phu nih thawng an thanh.
November ni 5 tiang, Operation 1027 ni 10 chung ah unau hawikom phu nih kahdohnak caah a biapi tuk mi ralkap sakhaan ngan, hme, palek sakhaan, uknak lei zung, ralkap kuttang pyithusit sakhaan telh in a zapi sakhaan 120 leng an lak khawh cang i tank, hriamngan a phunphun, vanlawng kahnak hriam, kuanzen tamlak te an lak khawh tiah theih a si.
November 5 ah unau hawikom phu (MNDAA, TNLA, AA) hna nih ralkap sakhaan cheukhat an hrawh khawh fawn i November 5 zinglei sml 10:00am thawk in MNDAA nih Monekoe pengkomh, Shauk-chin hmunhma ah a um mi ralkap sakhaan cu Minute 10 chung ah an hrawh cikcek tiah theih a si.
November 5 zing sml 6:00am ah TNLA nih Namhkham peng, Mai-wi khuakomh ah a um mi ralkap sakhaan cu an hrawh cikcek khawh bantuk in Kyaukme pengkomh, Namtu peng, Panthapyay khuate ah a um mi ralkap sakhaan an lak khawh leng ah bawmhnak pek ding in a ra mi ralkap mawṭaw 4 zong an kah i an lak khawh. Cun chun sml 12:00pm hrawng ah TNLA nih Mantung peng, Khumone khua ah a um mi Khu-mone sakhaan zong an lak.
About The Author
