Mindat Peng, Kumkhat Chung Ah Ralkap Nih Vanlei Kahdohnak Voi 67 A Tuah
The Chinland Post | 2023 December 4 — Chin ramkulh, Mindat peng, 2023 kum chung ah ralkap nih vanlei kahdohnak voi 67 a tuah i mipi 6 an thi, 15 an i hliam bantuk in inn 61 a rawk tiah CDF-Mindat nih December 4 ah a thanh.
Cathanh chung ah, ralkap nih vanlei kahdohnak a tuah ruang ah mipi inn 49, phungki sianginn 4, Khrihfa biakinn 4, sianginn 4, mawṭaw 1 le cycle 7 a rawk tiah an langhter.
2023 kumkhat chung ah ralkap le CDF-Mindat karlak ah kahdohnak voi 32 a chuak i ralkap lei 72 an thi, 41 an i hliam. CDF-Mindat lei in 2 an nunnak a liam i 10 an i hliam tiah theih a si.
Cun ralkap nih Mindat peng, khuate lei ah hriamngan voi tam lak te a kah caah mipi 3 an thi, innlo 50 leng a rawk CDF-Mindat thawngthanhnak in theih a si.
About The Author
