MNDAA Nih Ralkap Sakhaan 5 An Lak Chap
The Chinland Post | 2023 December 4 — MNDAA nih Kokang peng ah ralkap sakhaan 5 an lak chap i Mupan zong ah ralkap 6 an tlaih chap hna tiah The Kokang Post nih a langhter.
Operation 1027 an tuah ni 38 a tlinnak ni tiang ralkap le MNDAA karlak ah kahdohnak a fak peng rih tiah theih a si.
Atulio Kokang peng chaklei ah Shishan hmunhma tiang MNDAA nih an tlaih khawh cang i thlanglei ah ramri tung (126|127) tiang an rak samh khawh cang i December 3 ah MNDAA nih ralkap sakhaan 5 an lak chap hi a si.
December 3 zinglei sml 10:20am ah MNDAA nih Mahai tlang ah ralkap nih hmunhma an khuar nak sakhaan an kah i sml 1 hrawng kahdohnak a rauh hnu 11:46am ah tlamtling tein sakhaan an lak khawh tiah theih a si.
Cu ni zinglei sml 10:16am ah MNDAA nih Santa-ai tlang tlang ah ralkap nih hmunhma an khuar nak sakhaan 3 cu an thianh khawh i 11:16am ah tlamtling tein sakhaan 3 an lak khawh hi a si.
About The Author
