Mingaladon Vanlawng Tual Pawng Vanlawng Training Sianginn Kainak Gate Ah Bom A Puak
The Chinland Post| February 10, 2024 —Yangon, Mingaladon vanlawng tual pawng um vanlawng training sianginn gate hram hngak security umnak ah bom a puahnak kong cu Yangon UG Operation Flame nih Khit Thit media sin ah an chim.
February 9 zaanlei sml 6:30pm ah Mingaladon vanlawng tual pawng, Tirihmingala lam-Japan lam le Pyi lam tonnak vanlawng training – fight Traning Center gate hngak ralkap pawl cu remote control in bom an puah hna i ralkap lei a thi lo mi le hliamtuar mi an um le um lo cu theih an si rih lo, mipi ralkap lei nih thawng an hlat lio a si tiah an chim.
Min Aung Hliang nih hramhram in uknak a lak hnu, Yangon khua mipi ralkap pawl cu May 5, 2021 in May 31, 2023 kum 2 chung ah Yangon ramṭhen mipi ralkap (S.O.F/Special Task Force-S.T.F) Bakahphah), UG le hriamtlai bu dang hna he bawm in kahdohnak voi 2,000 an tuah.
Yangon Operation kahdohnak ah SAC lei Colonel telh in 600 leng an thi. Minung 900 leng hliamhma an tuar. Mipi ralkap lei in 80 leng an thi. Hliampu mi 100 leng le tlaih a tong mi 1,000 leng an um tiah theih a si. Kahdohnak hmun pawl hi Buddhist pawl titoih puai lio Hlaingtayar peng, Kuah bazaar DC ah bomb puaknak le SAC vanlawng umnak kahdohnak le hmun dang bomb puahnak vialte fonh ah SAC ralkap le police kahdohnak voi 1000 leng, khuachung uknak zung kahnak voi 800 leng, Sipuazi lutlai pawl kahdohnak 200 leng tiah Special Task Force nih kahdohnak voi 550 leng le bomb puahnak voi 1,500 leng a um tiah theih a si.
About The Author
