June 21, 2024

Minister Thar U Soe Htet Nih Hluttaw Ah Biakamnak A Tuah Cang

0

Salai Ngun San Aung| 2018 May 31| Chin ramkulh municipal, electric and industry minister Salai Isaac Khan airawl ah Myanmar ramkomh president tuanvo peknak in Chin ramkulh hluttaw nih minister caah fehtermi U Soe Htet cu May 30, ramkulh hluttaw tonpumhnak ah biakamnak a tuah cang.

Sipin minister hlun Salai Isaac Khen nih ka rian ka tlamtlinh lo caah dinhnak nawl rak ka pe uh tiin ca a tialmi cu Myanmar ramkomh President nih phungning tein April 17 ah dinhnak nawl onhnak ca a chuahpiak. Cu hnu in ramkomh president nih May 25 ah U Soe Htet cu Chin ramkulh sipin minister tuanvo a pek. Chin ramkulh hluttaw nih May 28 ah fehternak an tuah i zung zong a kai colh. May 30 hluttaw tonpumhnak ah phungning tein zulh ding le upat awk phungphai le sining pawl kong ah biakamhnak a tuah cang.

Paletwa peng mi U Soe Htet cu ralkap reng in Duh Bohmugyi tiang a phanmi a si i Chin ramkulh Minister rian pek a si hlan ah ramkomh Amyotha Hluttaw ah Deputy Director a tuanmi a si.

U Soe Htet cu Paletwa min in Me Luh tiah a min theihmi a si i 1983 in ralkap a luh hlan ah Chin Sianghleiruun cawlcanghnak zong ah a rak i telmi a si. Cun atu lio hi Naypyidaw i Chin Miphun Ni tuahnak Committee ah haotu a tuan lio a si tiah kan theih.

Chin ramkulh hluttaw ah U Soe Thet a min chuahpi a si lio ah NLD party in MP panga nih duhlonak langhternak caah caankhat chung hluttaw hluttaw tuahnak in leng ah an chuak. NLD party in MP a tlingmi chung ah minister a tuan  kho ding kan tampi ve ko. A lenglei mi thiamsang laak a hau lo an ti. Hi ruang ah Chin ramkulh Chief Minister le hluttaw Speaker thiltuahmi cung ah NLD party in MP cheukhat an lung a fak, thleidannak an tuah a si tiah an ti.

About The Author

Na ruahning rak langhter ve.. (Leave a comment)