Yazagyo Dam Nih Kalay Khuapi Electric Mei A Pek Khawh Cang Lai
City Hunter| 2018 May 30| Sagaing ramthen, Kalay peng Yazagyo Dam in a ralaimi June thla thawk in electric mei an pek khawh cang lai. A luancia 2003-2004 kum thawk in an sak i 2015-2016 kum ah an limmi Yazagyo Dam cu June thla thawk in electric mei chuah le pek ding ah timhcia a si cang tiah Yazagyo Dam in tuanvo ngeitu U Myo Tun nih Khonumthung media ah a chim.
“Kanmah leikap cun electric mei caanhmaante in pek ding timhcia a si cang. Nikum ahkhan cun electric mei kan rak pe kho rih lo nain fur ah cinmi facang ekah 3400 ti a pek khawh.”
Yazagyo Dam in 4 Megawatt electric meitha an chuah i tualchung hman ding ah Kalay ma-ha-dat-aa zungthen ah an thlah i a caanhmante in mei pek lengmang a si cang lai tiah a chimchih.
Hi Yazagyo Dam cu 2015-2016 furpi ruah ruang ah ti aa dilmi a tlawm nain cinthlaknak a si khawh chung in tipek ding le electric meitha caah hmanding in an tawlrel lai.
U Myo Tun nih, “Ministry zung nih aa tinhmi zong cinthlaknak caah tipek ding hi a si. Dam an sak lio in Kalaymyo hi suimilam 24 chung mei a ngah rih lo. Yazagyo hi 4 Megawatt a ngah ahcun Kalaymyo hi mei pek ding in timh a si. A pakhatnak ahcun cinthlaknak caah tipek le a pahnihnak cu electric meipek, a pathumnak cu ti ral runvennak caah ri pakhat tiang ti aa khawng kho lai i Kalay hrawnghrang ti nih a phummi ral in a runven khawh lai” tiah a chim.
Hi Yazagyo Dam cu electric meitha le cinthlaknak caah simanking rian pawl tuahtuan i Dam zohkhenhnak cu ramthen simanking tawlreltu kut ah ap than a si lai tiah theih a si.
Ref: Khonumthung News
About The Author
