Mipi Nih PDF Zoland Cu AK-47, Launcher le Kuan An Bawmh Hna
The Chinland Post | 2023 October 9 — Chin ramkulh chaklei ah hramhram in uknak a latu SAC ralkap pawl a doh mi PDF Zoland sin ah ramchung/ranleng Zomi (Chin) mipi hna nih AK-47, Launcher pawl le kuan a thong in an voikhatnak, hriam, an bawmh hna tiah theih a si.
AK-47 zuun 10, Launcher 2, kuan 40, Ey lung 20 le kuan a thong in a voikhatnak an bawmh hna i PDF-Zoland nih an cohlan khawh cang tiah October 9 (tuni) ah thawng an thanh.
Ramchung/ramleng Zomi (Chin) mipi hna nih PDF-Zoland a voikhatnak an bawmh mi hna a si i a voihnihnak pawl zong ah hriam pawl an ngah khawh nakhnga an i zuam rih lai tiah theih a si.
PDF-Zoland hi Chin ramkulh chaklei, Tedim peng le a pawngkam peng hna ah SAC ralkap a doh cuahmah mi hriamtlai phu an si i October 2 ah SAC palek 4 an rak tlaih bal cang hna.