India-Myanmar Ramri Kilometer 100 Ramri Huahruang Kulhkhamnak India Nih A Tuah Cuahmah
The Chinlandpost | October 10, 2023 – India le Myanmar ramri Kilometer 100 a sau mi ramri huahruang kulhkhamnak cu India lei in sak an thawk cang. India cozah The Ministry of Home Affairs nih 2022-2023 kum ah a langhter tiah The Hindu news nih a ṭial. Mah thawngzamnh cu kan hnuzarh ah an tarlangh cang tiah theih a si.
May 3 Manipur buainak ruang ah mipi 175 leng an thihnak kong he pehtlai in ramri luhnak gate lei ah Myanmar mi an luh tawn caah ah cozah nih khamnak a tuah lo caah a si tiah mah thawngzamhnak nih a langhter. 2022 kum ah North East India ram lei State kip ah buainak kong he pehtlai in buainak 201 a um i, 137 hi Manipur ram in a chuak mi a si tiah an langhter cang tiah VOA Burmese nih a ṭial.
Kate-Meitei, Naga, Kuki le Mizo hriampawl cawlcanghnak hi Manipur ram ah fak ngai a um. India le Myanmar karlak zalong tein umkal khawh nak hnatlak nak a rak um. Ramri in Kilometer 16 aa hlatnak ah a ummi khat lei ram mipi pawl cu ramchung luhkhawhnak lehhmah keng in umkal khawh a si tawn. Mah lehhmah hi kumkhat chung hmannak nawl pek a si.
India ramchung voikhat luhnak ah zarhhnih umnak nawl a ngei. Manipur cozah nih 2020 kum covid pulrai ruang ah ramri umkalnak khar a rak si. Ramri zalong tein umkalnak cu atu an hnawh cang ruang ah ramri huahrawng khamnak cu India Ministry of Home Affairs nawlpeknak in Manipur Chief Minister N. Biren Signh nih September 23 ah a chim.
Myanmar ram le India ramri a saunak hi Arunachel Pradesh ah 520 Kilometer, Nagaland ram ah 215 Kilometer, Manipur ram ah 398 kilometer, Mizoram ah 510 kilometer ti in kilometre 1, 643 ramri aa tlai mi a si.
About The Author
