Mizoram ah Myanmar rammi sin in bing an tlaih
The Chinland Post | 2022 September 14 – Mizoram, Aizawl khua, Zuangtui sang September 12 ah Myanmar rammi sin in bing an tlaih tiah Mizoram palek nih an thanh.
Riithai sii dohnak caah Mizoram mino phu (YMA) nih a dirhmi Central Anti Drugs (CADC) phu thawngpeknak in Bawngkawng palek sakhaan in Palek pawl nih Zuangtui sang inn pakhat cu September 12 zaanṭim ah an luh hnawh i Kalay peng Eihsuat khuami, atulio Mizoram Zokhawthar khuate ah a ummi Lalhminglian sin in bing 205g an tlaih.
An tlaih khawhmi Bing man hi Rupees sing 100 man hrawng a si tiah theih a si. Amah cu riithai sii zuar ruang le ramdang mi sinak in Bawngkawmg palek sakhaan ah sual an phawt tiah theih a si.
About The Author
