USCIS Cakuat Le Interview Auh Hi Sio Rawl Tarh Bantuk A Si Caah Kal Lo Ah A Tha
City Hunter| 2018 March 21| Atu lio USCIS (United States Citizenship and Immigration Services) cakuat le interview auhmi kong ah CCI hruainak in Immigration Lawyer Jason Flora le Indianapolis Chn mizapi tonnak an ngei. Cu lio ah cun Lawyer Jason Flora nih USCIS cakuat le interview auh hi sio rawl tarh bantuk a si caah ei duh lo ahcun kal lo ah a tha tiah a ruahnak le a hmuhning pawl a chimhruah hna tiah kan theih.
Hi kong he pehtlai in Van Ceu Uk Khenglawt nih a tanglei bantuk in a facebook ah a tial.
1. USCIS nih Interview an auhmi hi sio an thlakmi he aa lo, sio rawl eiter khawhmi tlaih an duh hna bia a si.
2. Interview auhmi hi duh le kal khawh, duh lo le kal lo khawh a si caah kal a herhnak ka hmu lo. Nan kal ruang ah nan caah a thathnemnak (benefit) a um ding hlei ka hmu lo. Nan kal lo tu ah sio rawl i ei sual ding in nan luat deuh lai.
3. Na sining naa zumh ko (thil dik lo mi zeihmanh na ngeih lo) ahcun interview i kal zong a poi lem lo, lawyer he kal ahcun a tha chinchin lai.
4. Interview na kal lo ruang ah citizen na sawknak an in hren/khampiak ahcun USCIS hi court ah tazacuai khawh an si, asiloah Citizen na sawkmi ngol tak i permanent resident in um peng khawh si ko.
5. USCIS nih ca an in kuat than i interview ah na rat hau an ti ahcun lawyer he kal ding. Lawyer na hlan tik belte ah na si ning a dihlak (100%) in na chimh lai. Na sining dihlak i na chimh tung lo ahcun na caan le tangka lam a paam sawhsawh lai.
5. USCIS nih na sining a dik lo in tuahmi a si ti an in theih ahcun ngaithiam le theihthiamnak timi phun a um lai lo. Upadi ningin dantat si ko lai.
6. Trump President a si hnu in Greencard sawk tikah finger print lawng si lo in interview zong tuah cang ding in upadi remh a si. Greencard sawk tikah interview a um cang lai ti nak si.
USCIS nih an kawl mi taktak hi a hmuh khawhmi um len te kho men. Zeitindah thil sining a kal peng rih lai ti ruah chung awk a har ngai. Kan miphun nih dinnak lam lei kan panh duhnak lei tal ah si hram seh. Zumtu kan si bang Pathian kut ah zei zong te ap hau ko. Thla tu cam cio a hau ko. A cung i ruahnak le hmuh ning vialte hi Immigration Lawter Jason Flora nih a chimmi ka tial chinmi si. Keimah ruahnak pekmi le hmuh ning chimmi a si lo tiah tiah Van Ceu Uk Khenglawt nihcun a langhter.
Credit: Vanceu Uk Khenglawt facebook
About The Author
