Mizoram University ah cacawn khawhnak Scholarship ICA nih a auh

0

The Chinland Post | 2022 August 10 – Mizoram, Aizawl University ah Research Fellowship training kai khawhnak ding caah Myanmar ralzaam siahngakchia caah Scholarship pakhat cu Institute of Chin Affairs (ICA) nih August 8 ah a thanh.

Myanmar ram ah a cangmi buainak a phunphun ruangah Mizoram a rak dormi ralzaam hna nih fimcawnnak an peh khawhnak hnga ICA le Mizoram University (MZU) fonh nih an tuahmi program a si.

Fellowship training cu a raa laimi October 3 ah thok a si lai i Mizoram chung a ummi ralzaam minung 5 auh an si lai i fimcawnnak man zong bawmh an si lai.

Fellowship training cu October in 2023 October tiang thla 12 a rau lai i thla 18 tiang caan chap khawh a si tiah theih a si. Auh a simi cacawngtu hna caah eidin,umṭhutnak le cawnnak thilri man pek an si lai tiah theih a si.

Cun, ramdang kherhhlainak tuahtu pawl he pehtlaihnak in ramdang University le thiamsang pawl zohkhenhnak zong a um lai tiah ICA nih a thanh.

Application form pawl cu August 31 zaanlei sml 5:00pm ah phih a si lai i fiang deuh in theih a duhmi nih a tanglei link in zoh khawh a si.

https://lm.facebook.com/l.php?u=https%3A%2F%2Fchinaffairs.org%2Fwp-content%2Fuploads%2F2022%2F08%2FICA-Call-for-Myanmar-Research-Fellows_Aug2022.pdf%3Ffbclid%3DIwAR0wjLJ8Niq7ifwLg_hOuJ3PzwkZhOePBn6aQ8chm8A3IMEP-qTDCar_MUc&h=AT0Dk_LZgje7DnoM_UxZiPcBpA8semhhPL1FHVjRShVPSxnAEB2wppfmJwQAeuqQdOZj85oLPpp1XF1ucuzwcjV9PZ_780Xy4QrYXZYXzjrFE6Jlo3Hgwyne7fi4Pue6KCMMvNZNI69GrknoGgzv

About The Author

Na ruahning rak langhter ve.. (Leave a comment)

%d bloggers like this: