Model J Naw; 2018 Kum Zungmawi Rian Tuanman Ka Hmuhmi Kachin Ralzaam Caah Ka Hlut Dih Lai
City Hunter| 2018 May 9| Myanmar model pakhat a simi J Naw nih 2018 chung zungmawi rian in tuan man ka hmuhmi vialte ka unau Kachin ralzaam hna caah ka hlut lai tiah a facebook cahmai ah a tial.
“2018 kum chung zungmawi rian in ka hmuhmi vialte cu ka thisa khat unau hna ral harnak phunkip a tongmi ka thlanti in ka bawmh hna lai. Tangka ka ngeih tuk caah a si lo. Ralzaam harnak a tuarmi tar pawl, fapawi nu hna, pumtlinglo ngakchia hna le a ngandam lomi hna nih an intuarmi harnak, retheihnak, sifahnak an ton ding ka ruah ah ka zaang an faak tuk. Cu ruang ah harnak a tongmi mizapi hna bawmh khawhnak caantha ka hmuhmi lungthli ruahlo leng in Pathian cung ah kaa lawm” tiah Kachin Model J Naw nih a chim.
“Atu lio aa hrengmi ralzaam nak i harsatnak phunkip tuar hnu ah a luatmi thisa khat unau cheukhat hna cu Kamaing khuapi Tipil Biakinn ah an i dork ho i tlawmte an i zia deuh. Ka tuah duhmi rian vialte le hlutnak vialte chimtam lo in a ka bawmchantu ka nu cung zong ah kaa lawm tu, Ka Nu” tiah a tialchih.
J Naw cu Kachin miphun a si i model pakhat zong a si. Zungmawi (art) lamthluan ah hmunhma pakhat a ngeimi model pakhat a si ko nain pehzulh in aa zuam cuahmah rihmi pakhat zong a si.
Ref: Duwun
About The Author
