Mogok Ongdan Khuate Pawng SAC Ralkap Sakhaan Kahdohnak Ah SAC Ralkap 30 Deng An Thi
The Chinland Post | 2023 June 30 — Kachin ram, Mogok khua, Ongdan khuate pawng ah a um mi SAC ralkap sakhaan cu Mogok byu-ha battalion 1221 le 1223 hna nih an kah hna i SAC ralkap 30 deng an thi tiah Red Wolves Mogok nih June 29 ah cathanh an chuah.
June 20 ah Ongdan khuate pawng ah a um mi SAC ralkap sakhaan ah kahdohnak an tuah hi a si i SAC ralkap 30 hrawng an thi, SAC lei nih bawmtu ralkap tampi an rak chap hna leng ah vanlei kahdohnak an tuah caah sakhaan la kho deuh lo in PDF chungtel pawl an kir ṭhan tiah an langhter.
Kahdohnak kan tuah tik ah thawngpang a than sualnak hnga lo mipi hna nih kan bawm hram ko uh tiah Red Wolves of Mogok nih nawlnak an tuah.
About The Author
