Thantlang Khua Ah SAC Nih Vanlawng In Voi 2 Bom A Thlak
The Chinland Post | 2023 June 30 — Chin ramkulh, Thantlang khua ah SAC nih vanlawng in bom a thlak tiah CNA biachimnak nawl a ngeitu Salai Htet Ni nih a chim.
June 27 ah SAC nih Thantlang khua ah vanlawng in bom a thlak ko nain aa hliam mi an um lo tiah a chim.
“June 27 ah Thantlang khua ah vanlawng in bom voi 2 a thlak. Cun SAC thilphor Helicopter pawl zong Hakha LIB 266 ah an ṭum len” tiah Salai Htet Ni nih People’s Spring ah a chim.
SAC nih vanlei kahdohnak a hman chin lengmang lai nain fur caan a si caah vawlei lei kahdohnak a tha der kho tiah a chim fawn.
Chin ramkulh Hakha khua ah ṭhal khuapau a chuah bak in SAC ralkap nih thazang tampi hmang in kahdohnak a tuah caah CNA, CDF phufonh hna he kahdohnak a fak.
May thla dongh lei ah Hakha in Thantlang lei panh in SAC ralkap nih vawlei lei thazang tampi, vanlei kahdohnak le hriamngan bawm in kahdohnak an tuah ko nain Thantlang khua phan kho lo in CNA, CDF phufonh nih an kham hna tiah theih a si.
About The Author
