Mrauk-U Hrambunh IB 540 Kahdohnak Ah Ralkap 15 An Thi
The Chinland Post | 2024 January 10 — Rakhine ram, Mrauk-U hrambunh IB 540 in thazang 50 leng ralkap pawl cu AA nih an kah hna i ralkap 15 nak tlawm lo an thi tiah AA nih thawng an thanh.
January 9 ah Mrauk-U hrambunh ralkap IB 540 in thazang 50 leng ralkap phu le AA ralkap hna cu Tamanaung pura pawng ah chikhat kahdohnak a chuak, kahdohnak chung ah ralkap lei 15 nak tlawm lo an thi i hliam a tuar mi zong an um tiah AA nih an langhter.
AA nih kahdohnak ruang ah a tuar ngai mi IB 540 pawl cu Mrauk-U ah an kir i minung 3 kha khamnak caah an tlaih hna i an 3 ning in ralkap nih an kahthah hna tiah Khit Thit nih a langhter.
Cun January 9 zaanlei zong ah IB 540 nih Mrauk-U khuachung ah hriamngan an kah i mipi 1 a hmun ah a thi, 2 an i hliam caah sualnak ngei lo mipi a that tu IB 540 cu ṭha tein lehrulh kan cham hna lai tiah AA nih a chim.
January 9 nikhat chung, Paletwa khua pawng ah AA le ralkap karlak ah kahdohnak a fak, ralkap lei nih hriamngan, Jet vanlawng hna bawm in kahdohnak fak a tuah bantuk in AA lei nih tlamtling tein sakhaan an lak khawh nakhnga an i zuam ve, kahdohnak pawl ah ralkap ruak tampi le hriam tampi zong January 9 ah an lak chap tiah theih a si.
Cubantuk in Paletwa le Kyaukdaw ramri ah a um mi ralkap Mi-wa byuha sakhaan zong tlamtling tein an lak khawh nakhnga kahdohnak an tuah i cu kahdohnak chung ah ralkap lei nih Jet vanlawng in voi tampi bom a thlak tiah theih a si.
About The Author
