Mu-se khua laifang i Traffic Police umnak a puak, SAC kuttang 4 an i hliam, mipi 1 a thi
The Chinland Post | 2022 August 1 – Mu-se khua lifang ah a ummi Traffic Police (Pikay) umnak cu a puak i Traffic Police telh in SAC ralkap 4 an i hliam, mipi pakhat a thi tiah theih a si.
Mu-se khua No.1 Bazaar pawngah a ummi Traffic Police umnak cu August 1 zinglei sml 11:10am hrawngah bom puah hnawh a ton hi a si.
“SAC lei in Traffic Police, ralkap 3 an khen hna. An hma fak ngai. Mipi nu 2 an i hliam i 1 a thi tiah” Mu-se khuami nih People’s Spring ah a chim.
Hliam a tuarmi SAC ralkap le Traffic Police he pehtlai in “An thi lo, an cawl ko” tiah a chim.
Hmun kip ah kahdohnak ṭhawnter a si caah mipi hna nih SAC ralkap umnak pawngkam ah umkal lo ding in mipi hriamtlai phu hna nih ralrinnak cathanh chuah peng a si.
About The Author
