Myaing Peng, Kaidawma Khuate Ah A Um Mi SAC Ralkap Kahdohnak Ah 6 An Thi
The Chinland Post | 2023 October 6 — Magway ramṭhen, Myaing Peng, Kaidawma khuate ah ti a hngak mi SAC ralkap pawl an kah hna i 6 an thi tiah Myaing PDO nih thawng an thanh.
October 3 zinglei sml 11:30pm ah Kaidawma khuate ah hmunhma a khuar i Myaing sehzung No. 2 ah ti a hngak mi SAC ralkap pawl nih mipi pawl an tlaih hna, mipi thilri pawl an fir caah an kah hna i 6 nak tlawm lo an thi i tampi an i hliam.
Kahdohnak chung ah a ril mi SAC ralkap ruak pawng meithal pawl lak an i tim ko nain PDF lei 2 an i hliam caah hnu an kir ṭhan.
A thi mi SAC ralkap pawl ruak cu Mi-17 Helicopter in an rak lak hna tiah an thanh.
Kahdohnak chung ah Myaing PDO B01, C02, C04, WOLF, MUGDF le Pakokku pengkomh B02 hna an i bawm tiah theih a si.
About The Author
