Myaing Peng Local PDF Sakhaan Pakhat An Luhhnawh Hna I Hriamtlai 4 An Nunnak A Liam
The Chinland Post | 2023 October 12 — Magway ramṭhen, Myaing peng, Kyaukphu khuate ah a um mi Local PDF sakhaan pakhat cu October 10 zinglei sml 6:00am hrawng ah SAC ralkap nih an luhhnawh hna caah PDF hriamtlai 4 an nunnak a liam tiah theih a si.
“SAC ralkap pawl nih sakhaan zong an khangh, zingka dei hrawng ah meithal thawng zong kan theih. Dothlennak phu lei nih an doh ve ko hna nain an i relh lo kar a si caah ralkap lei nih an tei deuh hna. Chun hrawng ah dothlennak phu lei 4 an nunnak a liam tiah thawng kan theih. A zaam manh mi zong an um, cheukhat cu pehtlaih khawh an si lo tiah an chim” tiah Myaing Local PDF he aa naihniam mi nih Zalen ah a chim.
SAC ralkap pawl hi Myaing le Pakokku peng ramri ah an umkalnak an tuah hi zarhkhat leng a si cang i khuami 70,000 leng ralzaam dirhmun an phan tiah theih a si.
Cun SAC leiṭang Telegram Channel pawl zong nih PDF ruak 4, meithal zuun 5 le cycle 1 ralkap nih an lak tiah an langhter.
About The Author
