May 24, 2024

Myanmar Idol Season 3 Minung 8 Thimmi Ah Lainu Nilen Par Mawi Aa Tel

0

Ngun San Aung| 2018 June 23| Myanmar Idol Season 3 hlasak zuamnak ah minung 8 lawng thim an si cang i mah chungah Lainu Nilen Par Mawi aa tel. Ni Len Par Mawi cu voting number 3 a si i zahan ah khan minung 10 an i zuam i cu chung ah pahnih thlak in 8 thimmi chung ah aa tel hi a si. A tanglei ah zahan zan aa zuam lio  le aa zuam dingmi ahlankan in timhtuahnak a ngeihmi kong video file kan hun thil chih.

Myanmar Idol hi Ooredoo company nih sponsor a pekmi a si caah Ooredoo Simcard aa tlaihmi nih duhzat paoh vote pek khawh a si. Zahan aa zuammi 10 chungah mizapi leikap in vote tlawmbik a hmumi 3 cu bottom down ah chiah an si i cu chung in pakhat kha mark petu nih an kaiter. Pahnih cu zuamnak ah tel khawh tiloin chuah an si.

Myanmar Idol zuamnak cu Cawnni li zan lengmang tuah a si i Live in zuamnak an dih le cangka in cawn ninga zanlei 6:00 tiang mizapi nih vote pek khawh a si.

“Kan hnu zarh ah khan minung 11 kan i zuam i cu chung in pakhat a tla. Nain tutan ahcun pahnih an tla. Hmaizarh zongah zuamhnak a um than lai caah bottom down dirhmun phak ahcun mark petu nih thimmi dirhmun phak khawh hi a har taktak. Cucaah Chinmi nih cu hlan nan ka dirpi bantuk in a tangrih mi zongah nan ka dirpi rih ding a biapi tuk. Kan herh taktak hna. Kan bochan ko hna” tiah Nu Mawi nih mizapi sinah biacahnak a ngeih.

Mizapi nih thazaang kan pekmi hna vote ning cu Myanmar Idol application kha download tuah in vote khawh a si. Download kan tuahmi application pakhat in minung pathum tiang vote khawh a si.

Cun Ooredoo SIM Card in vote khawh a si. Oredoo SIM Card a hmangmi nih 7777 ah khan voting number na duhmi te khan a tial lai i na kuat lai. SIM Card pakhat in an duh zat paoh vote khawh a si. Ooredoo simcard hmang in Nilen Par Mawi vote pek na duh ahcun 7777 ah 3 tiah na tialpiak lai. Number 3 hi Nilen Par Mawi vote number a si.

Ngaknu Nilen Par Mawi cu Engineering of Electronic Communication (EC) in Yangon ah sianginn a dih mi a si i Make Me Beautiful timi tamhmoih lei zuamnak zongah Myanmar Ram Pumpi huap in aa zuam i a thiambik pathum thimmi tiang aa telmi a si.

Amah hi kum 23 a si i Senthang peng Dongva khuami Pu Hrang Vung le Pi Thluai Iang @Thote nih an ngeihmi fanu hniang bik a si.
Nilen Par Mawi hi Eain Mat Sone Ya ah top 3 i a rak i telmi Nicholas Dawt Kam Sang far nu a si. Hi bantuk in fim cawnnak lei zongah sii-inn zungmawi thiamnak lei in siseh hlasaknak lei zong in siseh bochanmi a si i miphun dang hna lakah Chin miphun mithmai a kan ngeihtertu ngaknu pakhat a si. +++

About The Author

Na ruahning rak langhter ve.. (Leave a comment)

%d bloggers like this: