Myanmar Idol Top 3 Chung In Ahodah Winner A Ngah Lai?
City Hunter| 2018 July 30| Minung 10,000 renglo an i zuamnak Myanmar Idol Season-3 cu top 3 (a thiam bik minung pathum) tiang an phan cang. Ahodah winner a ngah lai?
Top 3 a kaimi hna cu; Phyo Myat Aung, Zaw Gyi le Chan Myae Mg Cho an si. Tuzarh nili (August 2) zan ah hlasak zuamnak an ngei than lai i ninga (August 3) zan ah result an thanh te lai. Minung pakhat a tla lai i a thiam bik minung pahnih kha hmaizarh ah an i zuam than lai tiah theih a si.
Zaw Gyi hi top 5+1 zuamnak ah a tla cang nain Myanmar Idol title sponsor a simi Pentene Card Winner (top finalist_ minung 7 chung in mizapi nih duh bikmi thimnak) in top 4+1 ah aa zuam kho than. Top 4+1 ah aa zuammi hna cu; Phyo Myat Aung, Chan Myae Mg Cho, Nay Khant Min Thit, Ngwe Zin Hline le Zaw Gyi an si. Top 4+1 zuamnak ah Nay Khant Min Thit le Ngwe Zin Hline an tla. Cu bantuk in Top finalist chung ah aa telmi Lainu Ni Len Par Mawi cu top 5+1 zuamnak ah a tla.
Judge a tuanmi Myanmar Pyi Thein Tan nihcun Phyo Myat Aung, aa zuammi lakah na thiam bik. Lungvar (patamia) na si, Idol na co ah zeidah na tuah lai ti chuankhaan tiang in comment a pek. Asinain top 4+1 zuamnak ahcun bottom 3 ah a thu nain a kai than.
Zaw Gyi hi top 5+1 ah a tla cang nain Pentene Card winner in a kai than ruang ah mizapi thapeknak a ngei chinchin ve cang.
Cu bantuk in Chan Myae Mg Cho hi top finalist chung ah thapetu a ngei ngaingai vemi a si. Hlasa a thiam lawng si lo in a mui zong aa dawh caah thapetu mizapi a ngei khun.
Tukum Myanmar Idol winner laksawng cu ks. 50 million (sing 500) pek pin ah album chuahpiak a si lai. 2016 kum (season-1) ah Myanmar Idol cotu cu Saw lah Htaw Wah a si. 2017 kum season-2 ah Thar Nge a si.
2018 kum winner tah ahodah a si lai tiah na zumh?
About The Author
