Myanmar Ralkap Thazaang Vawlei Cung Ramkip Ralkap Lakah 31Nak Ah A Um
Aung Aung| 2018 March 15| Vawlei cung ram hna ralkap thazaang cu Global Fire Power timi phu nih an thanh tikah Myanmar ralkap thazang cu 31nak a si.
Hi thazaang tahnak an chuah mi cu vawlei cung ram 133 hna an ralkap thazaang a si.
Myanmar ralkap thazaang cu Europe ram a si mi Norway, Netherlands, Romania pawl le Asia ram Malaysia, The Philippines le Bangladesh ram hna a cung lei ah a um tiah Global Fire Power nih cun an langhter.
Myanmar nih raltuk nak vanlawng 249, raltuk nak theng 592, raltuknak tilawng 155 a ngei i runvennak ca a hmanmi tangka hi US $2 billion a si tiah a langhter. Cun ram chung milu nuai 50 fai a si mi Myanmar ah ralkap hi nuai 21 an si a ti.
Myanmar ram raltuknak lei thazaang cu kan ram innpa pawl he kan i ruang kho cang tiah Bohmo hlun Dr. Myo Aung nih a chim. 2016 kum ah an langhter mi cazin ning cun Myanmar cu 33 nak a rak si.
Global Fire Power nih a langhter ning in a thazaang a thawng bik cu US an si, a changtu ah Russia le pathum nak ah Tuluk an si.
Ref: BBC Burmese
About The Author
