June 22, 2024

Myanmar Ram Mipi Lei Ah Kan Dirpi Lai Tiah US Nih A Chim

0

The Chinland Post| February 4, 2024 — US ram,  Chairman of The Powerful Senate Foreign Relations Committee Senator Ben Cardin cu February 2 ah SAC uknak kum 3 tlin ni ah NUG palai bu he tonnak an ngei tiah thanhca an chuah.

Ben Cardin nih Myanmar ram tlangcung mi bu cheukhat telh in US ram nih Myanmar mipi bawmhnak lam cu Burma Act ah aa tel cang. Democracy dohthlennak ah aa tel mi hruaitu hna le NUG palai bu le Ben Cardin hna ton biaruahnak cu a biapi ngai mi le Myanmar ram dohthlennak ah thazang pi pakhat a si.

“NUG Foreign Minister Daw Zin Mar Aung telh in NUG palai pawl tonnak hi a voikhatnak a si. Democracy hmuhnak ding ah SAC nih mipi harnak a pek mi le a thahmi celh lo in dohthlennak a tuah mi Myanmar ram mipi ruah lo leng in an thawnnak kong cu tonbia ruahnak ah kan ceih” tiah Ben Cardin nih a chim.

Myanmar ram ah SAC ralhrang nih nuhrincovo nawl buarnak pehzulh in a tuah peng ruang ah ralhrang council chungtel Aung Kyaw Min, Porel Aung Thein, ralkap lei  Lieutenant General Kyaw Swa Lin- Commander of the Bureau of Special Operations, Union Ministers for Immigration and Population (လ၀က) Minister Myint Kyaing hna cu 2021 kum July 2 ah US  Union Ministry of Finance of Finance lei nih sanction an rak tuah hna, SAC lutlai lei in Joint Chief of Staff (Army, Navy ,Air Force General Maung Maung Aye, Minister Ministry of Industry Minister Charlie Than, Ministry of Investment and Foreign Economic Relations- Minister Kan Zaw, Ministry of Justice Director Shwe Shwe Aung, Ministry of Home Affaire – Prison lei Director Zaw Min, Union Health and Sports Minister Thet Khine Win hna zong 2022 kum, January 31 ah US Union Ministry of Finance lei nih sanction an rak tuah hna. Union Ministry of Labour Minister Pwint San hna cu EU nih sanction an rak tuah hna.

European Union lei in SAC ralkap bawi 99 le an rianṭuannak phun 19 sanction an rak tuah bal cang. Hriamnam he aa pehtlai mi paoh zuar le raldoh training tuahṭi kong zong dinh ter a sinak kong cu European Union nih thawngthanhnak a rak tuah cang mi hna an si.

About The Author

Na ruahning rak langhter ve.. (Leave a comment)