Myanmar Ram National Education School A Dirhtu Hna (Part-1)

Kachin Ram Sianginn Kong

Salai Mangpau | August 26, 2023 — Miphun tling fonh in ser mi Kawlram nih (Union Context) tang ah mah le miphun dawtnak (national identity) cu zeitindah kan langhter cio lai. ‘Nations State’ sernak ah Miphun dawtnak a langhtertu ding ahcun sianginn in hramthawk a herh.

Kachin Independence Organization (KIO) Education Department Nih Dirh mi Sianginn Konglam

Kachin Independence Organization (KIO) Education Department cu 1978-79 in an dirh. 1992 kum ah thlennak a rak um. 2015 kum KIO tang ah sianginn (180) a um. Mah chungin Siangsangrun (4), Sianglairun (25) an um. Siangngakchia 26,878 le Saya/mah 1591 an um. KIO Education zung tang ah Saya Training kainak sianginn cu 1997 kum ah an dirh.

Kachin Independence Organization (KIO) uknak tang Mai Ja Yang khua ah, Dohthlennak chung ah Fimthiamnak catang sang sianginn (Higher education) khuapi pakhat ah an tuahnak caan a sau cang. Nihin ah sianginn 4 an ngei.

1️⃣    Mai Ja Yang Institute of Education (MIEd)

Mai Ja Yang khuachung ah a hmasa cem sianginn an dirh mi cu, catangsang kaikhawhnak sianginn Higher Education a si. 1997 kum ah saya pawl sianginn Teacher Training School (TTS) an dirh, 2008 kum thawk in Techer Training Certificate (TTC) ah an thlen. 2014 kum in Mai Ja Yang Instituted of Education (MIED) tiah a sang deuh in an tuah. Cawn khawh ding mi hna cu-

– Pre-College Program

– Diploma in Education (Dip.Ed)

– Diploma in TESOL (Dip.TESOL)

– Diploma in Teaching Chinese Language (Dip.TCL) tiin cawnkhawhmi programme 4 an tuah.

KIO uknak ah a um mi hmun ah Basic Education pawl cu atu MIED sianginn chuak a theipar an si.

2️⃣     Institute of Liberal Arts and Sciences (ILAS)

Mah sianginn a hramthawk ah School of Intensive English Programs (IEP) min in 2001 kum in sianginn an rak tuah. Fimcawnnak thazang a der mi khuate mino hna caah an tuah mi a si. IEP ah cawn khawh ding mi cu hna English, Computer, Social Studies, Professional Development Studies hna cawn khawh a si.

2016 kum in Institute of Liberal Arts and Sciences (ILAS) tiah min cu IEP ah min an thlen, An cawn khawh ding mi hna cu Diploma in Liberal Arts, Diploma in English  Diploma course hna cawn khawh a si.

3️⃣   Federal Law Academy (FLA)

2014 kum ah Kachin le Kawl ralkap raldoh lio ah Federal Law Academy sianginn an dirh. An cawn khawhmi hna cu-

– Constitutional law, Civil Law, Criminal Law, Election law, Apply Law, Contract Law, Environmental Law, Rule of Law

– Human Right Law, International Humanitarian Law, United Nation Human Rights Mechanism

– International Law, International Criminal Law/Court,

– Civil Procedure, Civil Society,

– Independent of Judiciary, The Code of Criminal procedure, Evidence Act, Fair Trial

– Federalism part 1, 2

– Burmese Customary law & Kachin Customary law

– Court Practice, Data Collection le Teaching Practice hna an si.

4️⃣   Mai Ja Yang College (MJYC)

Mai Ja Yang College zong ral lio caan 2015, September 25 ah dirhmi a si. Cawn khawh ding mi hna cu-

– Preparation class

– Bachelor of Science in Computer

– Bachelor of Science in Environmental Management

– Bachelor of Arts in Development Studies

– Bachelor of Arts in English Studies

– Bachelor of Arts in Politic

– Diploma in Journalism Program hna a si.

2020, February 29 ni ah a hmasa bik degree peknak zong an tuah khawh. Nihin ah cun a voi 3nak degree peknak tiang an tuah khawh cang.

Khuapau dohthlennak ah a herh mi mino fimthiamnak bawmhkhawhnak caah Laiza khua ah Kachin State Comprehensive University (KSCU) an dirh.

5️⃣   Kachin State Comprehensive University (KSCU)

National Union Government (NUG), (KIO/KIA) le caan karlak hruaitu min (KPICT) hna he komh in CDM University saya/mah hna nih University sianginn an dirh.

Kachin ramkulh chung um University sianginn 8 a um. Mah chung in CDM University saya/mah hna le sianghngakchia hruaitu hna komh in 2022, May 31 ni ah an dirh.

An dirh hmasa lio ahcun Distance University training bantuk in ca an cawng. 2023, February 25 in a voikhatnak degree an pek hna. Mah cacawn kum ah cun, Burmese, English, Economic, History, Philosophy, Chemistry, psychology, Geography, Law subject a cawng mi minung 63 degree peknak cu Laiza khua ah an tuah.

Nihin an cawnmi programme 3 a um. Mah hna cu-

*.Arts and Science University

*Arts cawn khawh ding mi ahcun Burmese, English, Geography, Psychology, Philosophy, law, Political Science

*Science cawn khawh ding mi ahcun Chemistry, Physic, Mathematic, Biology, Botany, Environment studies

• University of Pharmacy
• Nursing University

Technology le computer subject cawn khawh ding in timhtuahnak an ngei tiah theih a si.

Reference: Ister Ze Hnaw

Theihternak : Nihin Myanmar ram ah 2019 in covid pulrai le 2021 kum ralhrang nih uknak a lak hnu in Myanmar ram cacawnnak cu a rawk. Yangon-Mandalay le khuapi deuh um mirum, miliam le bawi fapa/nu cheukhat  lawng nih private mirang sianginn ṭha ah sianginn an kai kho. Mitam deuh nih SAC ralkap tuah mi sianginn ah an fale sianginn an kai ter khawh hna. Cun, Mipi ralkap  uknak tang ah a um mi cheukhat peng, le khua ah Mipi ralkap le khua komh in High School sianginn an tuah ve. Sagaing, Magwe, le cheukhat ramṭhen, ramkulh (state) ahcun cozah sianginn a kai duh lo mi le mipi ralkap nih khuapi chung sianginn an tuah khawh lo nak hmun ah a um i sianginn kai bak lo in kum 3 le cheu chung a um mi sianghngakchia mino tampi an um.

Pehthan ding = MON National Education sianginn kong Part 2

About The Author