Myanmar Ramchung Electric Mei Man Lakning An Thlenremh
TCP-Thantlang| 2019 June 25| Kawlram chung Electric mei man lakning kong thlenremhmi ning in 2019 July 1 ni thok in laak a si cang lai tiah rampi meizung nih thawngthanhnak a tuah.
Hi an thanhca chungah Electri mei tha chuahnak le thapeknak kongkau cu caan sau pi a nguh khawhnak hnga, Maha-dat-aa line mei a hmu rih lo mi khua le ram ah mei an hmuh khawhnak ding kong le a dangdang kong ah, mei a hmang tu hna mizapi zaka ah tuanvo ngeitu kuzale hna tiin tonnak ngeih hnu ah bia funnak ngeih mi a si i Mei man rikhiah mi le lak ning cu a tanglei bantuk in an si.
Unit 1 in 30 (ks.35), Unit 31 in 50 (ks.50), Unit 51-75 (ks.70), Unit 76-100 (ks.90), Unit 101-150 (ks.110), Unit 151-200 (ks.120) le Unit 201 in a cunglei (ks.125) tiin lak a si cang lai. Mah langhter mi cu inn chungkhar pakhat nih hman mi, inn ah hman mi Power le sipuazi tuahnak caah hman mi si lo in Biaknak lei inn saknak tibantuk caah hman mi chung lawng in telh mi a si.
Innchungkhar nih hman lo mi mei man hna cu a tanglei bantuk in rikhiahpiak an si. Unit 1-500 (ks.125), Unit 501-5000 (ks.135), Unit 5001-10000 (ks.145), Unit 10001-20000 (ks. 155), Unit 20001-50000 (ks.165), Unit 50001-100,000 (ks.175) le Unit 100000 ina cunglei a hmang mi paoh 180 tiin mei man rikhaih piak a si. Mah ri khiah mi cu Sehzung, sipuazi tuahnak, lam mei, uknak zung, sipin, NGO le zung dangdang han caah khiah mi a si. (Ref: One News Myanmar)
About The Author
