Myanmar Ralkap Dantatnak Phung Ahran ‘US Lower House’ Nih A Fehter

TCP-Kalay| 2019 June 25| Myanmar ralkap dantat khawhnak phungphai (upadi) ahran an sermi cu  Lower House (the United States House of Representatives) nih biakhiahnak a tuah cang tiah theih a si.

Kawl ralkap nih miphun ning cihmihnak telhchih in nuhrin covo a buarnak le a diklomi thlennak tuah kho lo ding in Myanmar ralkap cu American ralkap sin in bawmhnak ngol ding le ram luhnak visa le tangka kong telhchih in dantat khawhnak upadi ahran US Lower House le Ramleng he pehtlainak committee nih June 20 ah hnatlaknak a tuah cang.

Sihmanhsehlaw, Miphun cihmihnak timi bia cu Myanmar cozah lei in an duh ve lo tiah Myanmar Ramleng he pehtlakmi zung nih dohlonak a langhter ve.

US Lower House nih hnatlaknak a ngeihmi upadi ahran ahcun;

“Myanmar ralkap ah thlennak a um hlan lo America ralkap lei nih bawmhnak kan chap ti lai lo timi le raltuk ruangah harnak an tuah mi, miphun ning in cihmihnak le nuhrin covo a buarmi vialte ruang ah American ram luhnak visa le tangka bawmhnak kong rikhiahpiaknak pawl upadi ahran fehtermi ahcun aa tel.

Hi Kawl cozah ralkap nih sualnak a tuahmi vialte kong ah vawlei leitang chuak sui le ngun hna le Myanmar chawlehnak ah ralkap pawl a hrampi a simi vialte tuah ti lo ding in thlennak a tuah khawhnak ding caah United State House of Representative (Lower House)  nih biachahnak ah a tuah hi a si. +++

Ref: VOA

“Biafang hmanmi palh ruang ah, edit le update kan tuah than.” Editor 

Leave a Commnet

%d bloggers like this: