Myawaddy-Walley lamcung kahdohnak ah SAC ralkap a thimi an tam, hriam tampi chuh an si
The Chinland Post | 2022 July 13 – Karen ram, Myawaddy-Walley lamcung ah SAC battalion 44 kuttang Infantry 8 ralkap pawl cu Cobra phu nih an kah hna i SAC ralkap battalion commander, deputy battalion commander telh in ralkap tampi an thi i hriam tampi chuh an si tiah Cobra phu nih a thanh.
July 12 zinglei sml 8:00am hrawngah kahdohnak a chuak i kahdohnak chungah Cobra hriamtlai 3 hma an tuar tiah a thanh.
Cobra phu nih hmunhma zohfelnak an tuah i RPG kuan 26, RPG zen 21, bomrap 1, lamhmi bom 21, kuthlonh bom 17, Scope 2, bom kawlnak seh 1, 40 MM 31, min theih lo 79 pathum, puahcehnak zen a nakmi thluan 7, 60 MM 29, Inaga 22, 5.56 kuan 5,000, machine kuan 3,000, MA 1 zunnkhat, keypad phone 7, Generator 1, Touch Screen phone 4, tangkha sing 20, makeup bu 2, namte, hmuite, hmuipi, kawpia hna chuh an si tiah Cobra nih a thanh.
About The Author
