May 24, 2024

Nepal Ram Ah U.S. Bangla Vanlawng A Tla I Minung 49 An Thi

0

Aung Aung| 2018 March 13| Bangladesh in Nepal ram ah a zuang mi khualtlawng vanlawng pakhat cu Kathmandu vanlawng tumnak hmun i tum aa timh lio ah a rawk, a tla i minung 49 an tiah tiah Nepal cozah nih an chim.

Dhaka hrambunh U.S.-Bangla, American-Bangla vanlawng lei chimrelnak nawl ngei nih vanlawng cung ahhin khualtawn minung 67 le riantuantu minung 4 an dihlak 71 an um.

Khualtawng mi 67 chung ah minung 32 cu Bangladesh rammi an si i Nepal minung 33, a dang pahnih cu ram dang mi an si. A tum lai te ahhin a niam tein a zuang i khat lei khat lei ah a sawn len ko kan hmuh tiah a chim mi an um.
Vanlawng hi Canada ser mi Bombardier Dash 8 timi phun a si i hiti minung an thihnak hi a kangh caah a si. A cheu tluk dengmang cu an chanh manh hna nain 49 cu vanlawng nih a kangh pi chih hna. U.S.-Bangla airline lutlai Imran Asif nih cun Kathmandu vanlawng lam lei tuanvo ngei nih vanlawng tum nak ding ningcang tein hmuhsaknak an tuah lo caah a si tiah a mawhchiat hna.

Vanlawng tumnak bualrawn chung tuanvo ngei lutlai pawl nih cun “vanlawng mongtu pa nih thlanglei vanlawng tliknak hmun ka phan cang tiah a chim nain a vanlawng hi chaklei tu in a rak ra. Cu leng ah vanlawng mongtu pa nih hin a vanlawng hi a tliknak lam ah ding tein a tlik ter lo tikah zeitin na si na tlamtling maw kan ti i ka tlamtling ko a kan ti” tiah an chim.

Vanlawng a kanghnak hmun a phan mi thawnglatu pawl nih cun vanlawng hi then tam pi ah aa then in a rawkcat dih. Cuticun vanlawng tliknak lam kam ramhring cung ah a um ko tiah an chim.
Ref: VOA, BBC

About The Author

Na ruahning rak langhter ve.. (Leave a comment)

%d bloggers like this: